Bachadondan anomal qon ketishlar. Bachadon miomasi, endometrioz. Bachadon miomasi

Davolash.

Bemorlarni davolash uchun bemorning yoshini, jarayonning qayerga joy­lashganligi, tarqalish darajasi, jarayon joylashgan yerdagi atrof to’qi­malarning yalligg’lanish alomatlari bor yoki yo’qligi hisobga olinadi.

Reproduktiv yoshidagi ayollarda homilador bo’lish uchun quyidagi uslub­lar qo’llaniladi:

 

1.   Prostoglandinsintetazaning ingibitorlari (indometatsin, metindol, naprosin).

2.   Organizmning immunologik xususiyatlarini oshirish uchun ­immunokorrektorlar.

3.   Gormonlar bilan davolash, ya’ni endometrioz o’choqlaridagi siklli o’zgarishlar so’ndiriladi.

4.   Yalliglanish alomatlarini davolash.

5.   Тrankvilizatorlar (tazepam va b.).

6.   Sistemli enzimoterapiyasi (vobenzim).

7.      Jarrohlik uslubi bilan davolash.

 Gormonlardan asosan progestinlar tavsiya qilinadi (progesteron, 17 -OPK, depo-provera, depostat, orgametril, dyufaston, norkolut, atseto­meprogenal va boshqalar. Sintetik progestinlar 5-kundan to 25-kungacha 1tabl. dan ichiladi, dyufaston kuniga 3 tabl. dan 3 oy davomida, keyin 3 oy­ligida 2 tabl. dan buyuriladi. Davolashni 3 oydan 6 oygacha, 1-2 yilgacha da­vom ettirish mumkin. 17 OPK 12, 5 %-2, 0 6 oy davomida 1 haftada 1 marta.

Estrogen-gestagen prepatatlardan mikroginon, anovlar, marvelon, ri­gevidon, diane-35; antiestrogenlardan esa-tamoksifen, toremifen; ana­bolik steroidlardan-retabolil qo’llaniladi.

Gonadoliberinlar agonistlari -endometriozini konservativ davo­lashda keng qo’llaniladi (zoladeks, dekapeptil, nafarelin, buserelin). Bu vositalar har kuni burunga tomiziladi yoki teri ostiga in’eksiya qili­nadi, undan tashqari bu vositalarni qorin oldiga depo in’eksiya qilish ham mumkin. Gonadoliberinlar agonistlari ta’sirining juda qisqaligi tufayli ularni premenopauzada yoki jarrohlik davolashdan oldin qo’llash maqsadga muvofiqdir.

Endometriozni davolash va homiladorlikning oldini olish maqsadi­da 38-50 yoshgacha bo’lgan ayollarga norkolut 1 tabletkadan hayz davrining 5-kunidan 25-kunigacha berish mumkin. 48-50 yoshdan kattalarga-erkaklar gormonlari: testosteron propionat 2, 5 % yoki 5% - 1, 0 m/o, metiltestos­teron, sustanon-250.   Adenomiozning I-II darajasida konservativ davolansa, III-IV dara­jasidagi kasallanishida esa, jarrohlik uslubi qo’llaniladi (52 rasm). Jarrohlik uslubida davolash asosan gormonlar bilan davolashning nafi bo’lmay, ayollarda hayz sikli buzilib qon ko’p ke­tib, kamqonlik rivojlangan bo’lsagina qo’llaniladi shundan keyin esa gormonlar bilan davolashni davom ettirish zarur, aks holda kasallik yana qaytalashi mumkin.