Bachadondan anomal qon ketishlar. Bachadon miomasi, endometrioz. Bachadon miomasi

Bachadon tanasining endometriozi-adenomioz

Asosan 40-50 yoshdagi ayollarda uchraydi. Bachadon adenomiozi sun’iy abortlardan keyin, gisterografiya, davolash gidrotubatsiyasi, biopsiya olish va boshqa muolajalardan keyin rivojlanadi.

Adenomioz tarqalish darajasiga qarab 4 ga bo’linadi.

1. 
   Endometrioz bachadon shilliq qavatining bazal qismida joylashadi.
   
2. 
   Jarayon miometriy qavatiga tarqalgan.
   
3. 
   Bachadonning hamma qavatlariga jarayon tarqalgan.
   
4. 
   Jarayon pariyetal qorin pardasi va qo’shni a’zolarga tarqalgan.
   

 

2, 3, 4 darajalarida bachadon endometrioz mushak tolalarining giper­plaziyasi kuzatilib, bu bachadon hajmining kattalashuviga olib keladi. Og’riq va hayz vaqtida qon ko’p ajralib, hayz siklining uzoq davom eti­shiga olib keladi.

Ayniqsa endometrioz bachadonning hamma qavatlariga tarqalgan bo’lsa

 (52-rasm), kuchli og’riq kuzatiladi va hayzdan oldin bachadonning katta­lashganligi aniqlanadi. Endometriozda hayz siklining buzilishi har xil, xususan giperpolimenoreya metroragiya hamda hayzdan oldin va undan keyin 3-4 kun qonni surtilib kelishi kuzatiladi. Ko’pchilik bemorlarda qorinning pastida doimiy og’riq seziladi, tez-tez siyish va hayzdan ol­din og’riq bo’lishi kuzatiladi.