Bachadon miomasi. Endometrioz bachadon miomasi

Bunday turdagi qon ketishining sabablari:

• Bachadon mushaklari qisqarishining buzilishi
• Bachadon shilliq qavati yuzasining kattalashishi
• Estrogen gormon metabolizmining o’zgarishi
• Bachadon shilliq qavati regeneratsiyasining susayishidan iborat.

Miomalarda og’riq bo’lishining asosiy sabablari:

• 1. Og’riq asosan o’smaning katta-kichikligiga va uning qaerda joylashganligiga bog’liq. Agar o’sma butun kichik chanoq bo’shlig’ini to’ldirib turgan bo’lsa, o’smaning qo’shni a’zolarini bosib ezishidan paydo bo’ladi. O’sma kichikroq bo’lib, bachadonning keng boylami orasiga o’sib kirgan, shu bilan birga nerv tolalariga yaqin joylashgan bo’lsa, ularni ezishi tufayli sodir bo’lishi mumkin.
• 2. Bachadon shilliq qavati ostiga joylashgan o’smalarda hayz ko’rish vaqtida yig’ilgan qonni hamda shu bilan birga shilliq qavat ostidagi o’smani ham bachadondan tashqariga chiqarish kuchli dardsimon og’riq paydo qiladi.
• 3. Og’riqpaydo bo’lishining yana bir sababi o’smaning infektsiyalanishi bo’lsa, ikkinchidan, bachadonning yallig’lanishi hisoblanadi. Kichik chanoq bo’shlig’idagi a’zolarning yallig’lanishi bachadon miomasi birga uchraganda 2/3 hollarda bemorlarda og’riq paydo bo’ladi
• 4. Og’riq subseroz o’sma oyoqchasi buralib qolgan vaqtlarda ham sodir bo’ladi. Chunki bunda o’sma oyoqchasi tarkibidagi qon tomirlar buralib siqiladi va o’smaning oziqlanishi buziladi. Bu esa o’smada yallig’lanish sodir bo’lishiga olib keladi. Bunday vaqtlarda zudlik bilan jarrohlik amaliyoti qilinadi.
• 5. O’smalar juda tez kattalashib o’sganda ham og’riq bo’ladi, ayniqsa o’sma bachadonning keng boylami orasiga o’sgan hollarda shunday bo’ladi, chunki bunday vaqtlarda og’riqo’smaning qorin pardasi nerv tolalarining retseptorlariga ta’siri natijasida sodir bo’ladi.

Miomaning asoratlari

• 1. Mioma oyoqchasining buralib qolishi:
• - bunda «o’tkir qorin» belgilari kuzatiladi: o’tkir og’riq, til yuzasining o’zgarishi, chanqash, ko’ngil aynishi, qayd qilish, Shetkin-Blyumberg belgisi paydo bo’lishi, taxikardiya va b.
• 2. Miomaning shishib nekroz bo’lishi.
• bu holatda kuchli og’riq, ko’pincha qon ketish va tana haroratining ko’tarilishi va boshqa belgilar kuzatiladi.
• 3. Shilliq osti qavati miomasining tug’ilish alomati, hatto bachadonning ag’darilishi kuzatilishi mumkin.
• 4. Mioma tugunlarining infektsiyalanishi, yiringlashi.
• 5. Sarkomaga aylanishi.
• 6. Kuchli profuz qon ketishi
• 7. Anemiya (kamqonlik).