Б. Т. Тошмухамедов ўзбекистон Республикаси Олий ва ўрта

Кислородли тузлар (оксид тузлар)


Бу ноорганик минераллар группасига кимёвий таркиби жиҳатидан хилма-хил ва мураккаб бўлган кислородли кислота тузларидан иборат бўлган бирикмалар киради. Унга ҳозиргача маълум бўлган минералларнинг деярли учдан икки қисми киради. Булар орасида силикатлар энг катта урин тутади.
Кислородли тузларнинг кристалл-кимёвий хоссалари, уларда кристалл структураси [N0₃]_i^1- [С0₃]_i^2-[SО₄]_i^2- [РО₄]^3- ва бошқа комплекс анионларнинг борлиги билан характерланади. Жинс ҳосил қилишда баъзи карбонатлар ва силикатлар муҳим аҳамиятга эга.


Карбонатлар


Карбонатларнинг оптик хусусиятлари СО₃ анионининг ясси шакли билан боглиқ ҳолда энг юқори иккилантириб синдириш кўрсаткичи Ng-Np эканлигидандир. Шунингдек, мис карбонатларининг тўқ-яшил ёки кўк рангли бўлиши эҳтимол мис (Си²⁺) катионининг ўзига хос тузилиши билан боғлиқ бўлса керак.
Кальцит - СаСО₃ ёки оҳак шпати. Кальцитнинг тиниқ хили исландия шпати деб юритилади.
Кальцитнинг сингонияси тригонал. Кальцит призма ёки устунсимон кристаллар ҳолида топилади. Друза бўлиб ўсган кристаллар тоғ жинси бўшликдарида учрайди. Ула­ниши мукаммал.
Оҳоктошли ғорларда сталактит ва сталагмит шаклларадаги кальцитлар учрайди. Донадор яхлит агрегатлари мармар, кальцитнинг зич яширин кристалланган, баъзан бўлиб тузилган ва фаунага бой тоғ жинслари оҳак тошлар деб юритилади. Кўпинча рангсиз ёки сутдек оқ бўлади. Шишадек ялтирайди. Қаттиқлиги 3. Солиштирма оғирлиги 2,6-2,7 г/см³. Хлорид кисотада яхши эрийди.
Кальцит ва унинг шаффоф турлари оптикада, заргарлик ва санъат буюмлари тайёрлашда, кимё, металлургия, цемент ва полиграфия саноатида, қурилишда ишлатилади.
Магнезит - МgСО₃. Синоними магнезияли шпат. Сингонияси тригонал. Симметрия кўриниши дитригонал. Кристалларининг қиёфаси ромбоэдр. Кўпинча йирик донадор агрегатлар ҳолида тарқалган. Нурашдан ҳосил бўлган конларда кўпинча карам гулига ўхшайдиган, чиннисимон метаколлоид массалар ҳолида топилиши жуда ҳам характерлидир. Ранги оқ бўлиб, сарғиш ёки кулранг товланади. Баъзан қордек оппоқ бўлади. Шиша каби ялтирайди. Қаттиқлиги 4-4,5. Мўрт. Уланиш текислиги ром­боэдр бўйича мукаммал. Чиннисимон хиллари чиғаноқсимон юзалар ҳосил қилиб синади. Солиштирма оғирли-ги 2,9-3,1 г/см³. Ўтга чидамли материаллар тайёрлашда ва тиббиётда ишлатилади.
Доломит - СаМg[СО₃]₂. Сингонияси тригонал. Топилган кристаллари ромбоэдр шаклида. Уларнинг эгар сингари эгилган ёнлари ҳам оз эмас. Агрегатлари одатда кристалланган, донадор, кўпинча ғовак, камдан-кам буйраксимон, катак-катак ва бошқа шаклларда бўлади. Ранги кулранг, оқ, баъзан сарғиш, оч-қўнгир, оч-яшил тусларга эга. Катод нурларида сарғиш қизил нур сочади. Қаттиқ­лиги 3,5-4. Мўрт. Уланиши ромбоэдр бўйича мукаммал. Солиштирма оғирлиги 2,8-2,9 г/см³. Шишадек ялтирайди. Доломит кенг тарқалган жинс ҳосил этувчи минералдир. У гидротермал темир конларида ҳам учрайди.
Қурилиш материаллари, металлургияда қўшимча ва ўтга чидамли материал сифатида, кимё ва бошқа соҳаларда ишлатилади.
Р асм 22. Киновар ва кварц кристаллари доломит-гилли тоғ жинсларида (Хитой).