Б. Т. Тошмухамедов ўзбекистон Республикаси Олий ва ўрта

Катакластик метаморфизм жинслари

Метаморфизмни бу тури бир томонлама босимни ва паст ҳароратни таъсирида содир бўлади. Тектоник жараёнлар таъсирида жинслар майдалади ва уқаланади. Бу метаморфизмни маҳсулотларига катаклазирланган жинслар, катаклазит, милонит ва тектоник брекчиялар киради.

Катаклазирланган жинслар. Бу жинсларда бирламчи структура сақланиб қолади. Жинсда мўрт минераллар (кварц, дала шпатлари) майдаланади, пластик минераллар (слюдалар) эзилади. Кварц тўлқинсимон ва мозаикали сўнади. Катаклазирланган жинслар таркиби бўйича гранитга, габбро ва бошқа жинсларга тўғри келиши мумкин. Жинсни структураси катакластик.
Катаклазитлар. У олдинги жинсдан кўроқ майдаланганлиги билан фарқ қилади. Катаклзитларда кўпроқ порфирокластик ва бластоцементли структуралар учрайди. Қолдиқ минералларга қараб бирламчи жинсларни аниқлаш мумкин. Кукунланган минераллар ҳисобига хлорит, серицит ва бошқа минераллар ривожланиши мумкин.
Милонитлар жуда майда кукунланган жинсдир. Тоғ жинси майин ва чангсимон материаллардан ташкил топган бўлиб, унинг орасида бирламчи минералларни қлодиқлари сақланиб қолади. Кукунланган материаллар ҳисобига хлорит, серицит ва бошқа минераллар ривожланади.
Тектоник брекчия бурмачанглик худудларида ва тектоник ёриқлар атрофида ривожланади. Тоғ жинси ҳар хил катта-кичикликдаги қиррали бўлаклардардан ташкил топган бўлиб, майда заррачалар билан цементланади.
Ультраметаморфизм зонасининг жинслари ва гранитизация. Бурмачанлик худудларида бирламчи жинслар 8-10 км. дан кўпроқ чуқурликка тушиб қолса ва ҳарорат ошса эрийди. Биринчи галда енгил эрийдиган (650-700⁰ С) компонентлар - кварц, дала шпатлари эрийди (селектив эриш- анатексис).
Субстратни қисман эриши билан содир бўладиган метаморфизм турини ультраметаморфизм дейилади. Яна ҳам чуқурроқа тушганда ва ҳорорат 800-900⁰ С га етганда жинслар тўлиқ эрийди (палингенез). Субстрат бошланғич жинсларини (гнейс, метаморфик жинслар) қисман эриши натижасида мигматитлар ҳосил бўлади, унда субстарт (бошланғич) жинслари кварц- дала шпатли агрегатлар билан кет-кет келади.