B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

OʻTIMLI FE’L – q. Obyektli fe’l.
OʻTIMLILIK, OBYEKTLILIK Fe’lning toʻldiruvchi bildirgan obyektga yoʻ­na­­lishini (shunday obyektga egalikni) ifodalovchn leksik-sintaktik xususiyati.
OʻTIMSIZ FE’L – q. Obyektsiz fe’l.
OʻXSHATISH SHAKLI Bir narsaning belgi, harakat jihatdan boshqa narsaga oʻxshash ekanini bpldiruvchi shakl. Bu shakl -dek, -day qo‘shimchasi yordamida yasaladi: shamolday, ipakdek kabi: Hovuzning limmo-lim suvi shishaday toza, odam­ning aksi ko‘rinadi. (H. Nazir)
– Hoy, sen, jiyron toychamdek
O‘ynab-o‘ynab oqqan suv,
Dalalarga bayramdek
Guldan bezak taqqan suv. (Z. Diyor)
OʻZ SOʻZ Tilning aslida oʻziga mansub boʻlgan (boshqa tildan oʻzlashmagan), tilning oʻz qatlami asosida yasalgan soʻz: bosh, besh, qush, oʻn, oʻt, boshla, bu­gun, bogʻla, soʻzla va b.
OʻZAK TILLAR – ayn. Amorf tillar.
OʻZGA – q. Uchinchi shaxs.
OʻZGA GAPI Oʻzga shaxsning muallif bayoniga kiritilgan gapi. Leksik-sin­taktik vositalari va berilish usullariga koʻra oʻzga gapi ikki turga boʻlinadi: 1) koʻ­chirma gap (q.); 2) o‘zlashtirma gap (q.).
OʻZLASHMA SOʻZ Oʻzga tildan qabul qilingan soʻz. Masalan, rus tilidan va rus tili orqali qabul qilingan telefon, mayka, kabinet, adres, gazeta, planeta kabi soʻzlar.