B. S. Jamilova f. S. Safarov ona tili va bolalar adabiyoti fanidan ilmiy termin va tushunchalar

MURAKKAB KESIM Birdan ortiq mustaqil soʻz bilan ifodalangan ke­sim: Ayozli kunlar birin-kеtin o‘tib borayotir.
Murakkab kеsim tarkibidagi ikkinchi so‘z ko‘makchi fе’l, bog‘lama, nisbiy so‘z bo‘lishi ham mumkin.
Murakkab kеsimga misol:
a) birikmali: Bu kun biz uchun og‘ir kun; O‘zbеkiston – kеlajagi buyuk davlat;
b) to‘liqsiz fе’lli so‘z: Anjir kulchaday yirik va holvatarday yumshoq edi;
d) ko‘makchili so‘z: Hammasi sеn uchun, dilovar uchun;
e) bog‘lamali: Bunday odamlarni nodon hisoblashadi;
f) ko‘makchi fе’lli:Hamma ham xalqiga xizmat qilgisi kеladi.
MUSIQIY URGʻU Tovush kuchi va balandligi emas, balki ton baland­ligi oʻzga­rishi bilan xarakterlanuvchi urgʻu. Masalan, xitoy, yapon, koreys tillarida leksik urgʻu shunday.
MUSTAQIL BO‘LMAGAN SOʻZ TURKUMLARI Mustaqil soʻz tur­kum­laridai boshqa soʻz turkumlarining – yordamchi soʻz, undov, taqlid soʻz va modal soʻz­lar­ning umumlashma nomi.
MUSTAQIL GAP Grammatik jihatdan boshqa gap bilan bogʻlanmagan, kommunikativ jihatdan tugallikka ega boʻlgan gap: Narigi qirg‘oqdagi meva­zor­larda o‘rik, olcha, olma, shaftoli­lar qiyg‘os gullab yotibdi. (H. G‘ulom)
MUSTAQIL MA’NOLI SOʻZLAR – ayn. Mustaqil soʻzlar.
MUSTAQIL MA’NOSIZ SOʻZLAR – ayn. Yordamchi soʻzlar.