B. S. Abdullaeva tdpu ilmiy ishlar va innovatsiyalar bo‘yicha prorektor

Ishtiyoq
. Eng muhimi bo‘lajak tarbiyachi o‘z ishiga qiziqishi kerak. Maktabgacha ta’lim 
tashkilotida tarbiyachi bo‘lish har doim ham oson emas va ba’zida, qiyinchiliklarga ham duch 
kelishi mumkin. O‘z ishini yaxshi ko‘radigan va uni o‘zgartirayotganini his qiladigan tarbiyachilar 
qiyin paytlarda bolalar yutuqlarini his qila olishlari kerak. Mohir tarbiyachi bo‘lish uchun 
“bolalarni yaxshi ko‘rish” yetarli emas. Bolalar yoqimli va quvnoq bo‘lishsa-da, ular bilan 
ishlashdagi ba’zi to‘siqlarni yengib o‘tish uchun tarbiyachida ichki motiv hosil bo‘lishi kerak. 
Sabr. 
Tarbiyachi bolalar bilan samarali faoliyatni amalga oshirishi uchun albatta sabr-toqar, 
matonat zarur. Chunki, guruhdagi har bir bola tarbiyalanayotgan muhiti, xarakteri va temperamenti 
bilan ajralib turadi. Hamma bolalar ham bir xil suratda ma’lumotni qabul qila olmaydilar va bu 
faoliyatni qiziqarli tarzda olib borishga to‘siq paydo qilmasligi lozim. 
Ijodkorlik. 
Tarbiyachilarning aksariyati mashg‘ulotlar haqida ajoyib g‘oyalarga ega, ammo 
ko‘pincha tarbiyachilarga xohlagan narsalar bilan ta’minlash uchun resurslar mavjud emas. 
Resurslar cheklangan bo‘lsa, tarbiyachilar ijodkor bo‘lishi kerak. MTTga birinchi marta kelgan 
bolalar o‘zlarini qulay va baxtli his qilishlari kerak. Tarbiyachi shirinso‘z va bolalarni jalb qilish 
uchun albatta o‘z o‘rnida rag‘batlantirishni bilishi kerak. O‘zidagi ijodkorligini ko‘rsata olishi 
bilan birga, bolada ijodkorlikni rivojlantirishga to‘siq bo‘ladigan muammolarni bartaraf qiladi. 
Moslanuvchanlik.
Vaziyatni kuzatish va faoliyatni rejalashtirish qobiliyati juda muhimdir. 
Siz bolalar bilan birgalikda gul ekmoqchisiz, ammo, yomg‘ir yog‘ib rejangiz o‘zgardi yoki ochiq 
mashg‘ulot o‘tkazmoqchisiz, ammo, video proektor birdaniga buzilib qoldi. Ba’zida bolalar 
o‘rgatayotgan ma’lumotlarni hammasini qabul qiladi, ba’zi kunlarda esa aksincha yaxshi qabul 
qila olmasligi mumkin. Shunday vaziyatlarga tarbiyachi tayyor turishi kerak va moslashuvchan 
bo‘lishi kerak.