B. Q. Xaydarov

---

B. Q. XAYDAROV
MATEMATIKA

5
Ulıwma orta bilim beriw mektepleriniń 5- klası ushın sabaqlıq 
2- bólim
Qayta islengen hám tolıqtırılǵan úshinshi baspası
Ózbekstan Respublikası
Xalıq bilimlendiriw ministrligi tastıyıqlaǵan
TASHKENT – 2020

---

2
Áziz oqıwshı!
Siz bul oqıw jılında da matematika menen tanısıwdı dawam etesiz. Matematika mıń jıllar 
dawamında insan talaplarınıń ónimi sıpatında payda bolǵan. Onıń rawajlanıwına ullı babalarımız 
– shıǵıstıń belgili danıshpanları, ullı matematik alımlar úlken úles qosqan. Búgingi kúnde hesh bir 
adam matematikanı bilmey turıp, óz turmısın tolıq kóz aldına keltire almaydı. Matematika sizge 
tek esap-sanaq jumısların úyretip qoymastan, eń tiykarǵısı– sizdi logikalıq pikirlewge, turmıstaǵı 
mashqalalardıń eń unamlı sheshimin tabıwǵa járdem beredi.
Qolıńızdaǵı bul sabaqlıq iygilikli maqsetlerińizdi ámelge asırıwda sizge biyminnet járdemshi 
boladı. Onıń betlerinen tek matematikaǵa tiyisli maǵlıwmatlar menen emes, al texnika, pán tariyxı, 
qorshaǵan ortalıq hám kúndelikli turmısqa tiyisli qızıqlı hám paydalı maǵlıwmatlar menen de 
tanısasız. Bul maǵlıwmatlar hár túrli másele hám mısallar kórinisinde itibarıńızǵa usınılmaqta.
Pikir bildiriwshiler – 
Sh. A. Alimov
– fizika-matematika pánleri doktorı, ÓzMU professorı;