B. M. Mamatkulov, X. E. Rustamova jamoada hamshiralik

Sanatoriya - kurort (ambulotoriya - kurort) davolanishga
boruvchilarga yo‘llanma qanday mablag‘lar hisobiga olinganidan qat’iy 
nazar, kasallik varaqasi jo‘nab ketishdan avval VKK tomonidan 
davolanish uchun bemorning asosiy va qo‘shimcha ta’til kunlarining 
etmagan qismiga (bunda davolanish uchun va yo‘lga ketgan kunlar) 
qo‘shib hisoblanadi. 
Agar asosiy va qo‘shimcha ta’tillar jo‘nab ketgunga qadar 
tugagan bo‘lsa, ishchiga rahbariyat tomonidan oylik maoshi 

---

163 
saqlanmagan holdagi asosiy va qo‘shimcha ta’tillarga teng bo‘lgan 
ta’til taklif etiladi. 
Ikkinchi jahon urushi qatnashchilari va nogironlari, sobiq 
baynalminal - jangchilarga, CHernobil avariyasining oqibatlarini 
bartaraf etishda ishtirok etganlarga hamda 16 yoshgacha bo‘lgan 
nogiron bolani kuzatib boruvchi ota-onalardan biriga sanatoriya - 
kurortda davolanishda kasallik varaqasi barcha davolanish kunlariga 
yo‘lga ketgan muddatni hisobga olib va navbatdagi va qo‘shimcha 
ta’tillarni hisobga olmagan holda beriladi.
Vaqtincha boshqa ishga o‘tganda kasallik varaqasining berilishi
Sil kasalligi yoki kasb kasalligiga chalinganlar salomatlik holatiga 
va davolanishiga ziyon etmagan holda boshqa ishni bajara olsalar, 
vaqtincha boshqa ishga o‘tganda kasallik varaqasi ikki kalendar 
oyigacha beriladi. Kasallik varaqasi VKK tomonidan beriladi, agar 
VKK bo‘lmasa -davolovchi vrach va bosh vrach bilan hamkorlikda 
kasallik varaqasi beriladi. 
Karantin vaqtida kasallik varaqasining berilishi
Bakteriya tashuvchilik oqibatida ishdan chetlatilgan shaxslarga 
ish joyidan yoki turar joyidan umumiy qoidalarga asoslanib 
davolanish muddatiga kasallik varaqasi beriladi. 
Yukumli kasallikka chalingan bemorlar bilan muloqotda bo‘lish 
oqibatida ishdan chetlatilgan shaxslarga kasallik varaqasi davolovchi 
vrach yoki sanitariya - epidemiologiya nazorati organlari tomonidan 
belgilangan muddatga beriladi. 
Sog‘liqni saqlash vazirligi hamda xududiy sog‘liqni saqlash 
boshqaruv organlarining qaroriga binoan karantin vaqtida kasallik 
varaqasi epidemiolog yoki sanitariya vrachi tomonidan berilishi 
mumkin.