B abdullayeva, M. Usmonbayeva, O’. Asqarova, F. Ehsonova, S. Hakimov

 
Test metodi 
(ingl. “test” – sinash, tekshirish, o’rganish) – o’rganilayotgan shaxs 
(respondent)ning  aqliy  rivojlanish  darajasi,  qobiliyati,  muayyan  ish-harakat, 
faoliyatni  bajarishga  doir  ko’nikma,  malakalari,  shaxsiy  va  irodaviy  sifatlari,  ruhiy 
xususiyatlarini  aniqlash va  baholashda  qo’llaniladigan qisqa  standart tekshirish  yoki 
sinov  usuli.  Uning  ahamiyati  respondentning  muayyan  soha  bo’yicha  nazariy 
bilimlarini, 
qobiliyati, 
psixologik-fiziologik, 
shaxsiy 
xususiyatlarining 
rivojlanganligi,  ma’lum  faoliyatni  tashkil  etishga  doir  ko’nikma,  malakalarning 
shakllanganlik darajasini aniqlashga xizmat qilishida ko’zga tashlanadi.  
Test o’z mohiyatiga ko’ra quyidagi savollardan iborat bo’ladi:  1) ochiq turdagi 
savollar (batafsil javob berish imkonini beradigan savollar); 2) yopiq turdagi savollar 
(“ha” yoki “yo’q”, “ijobiy” yoki “salbiy” tarzdagi javoblarga asoslanadigan savollar); 
3)  to’g’ri  javob  variantlari  qayd  etilgan  savollar  (to’g’ri  deb  topilgan  javob  varianti 
belgilanadi).  Mazkur usul quyidagi afzalliklarga ega: 1) nazorat uchun vaqtning kam 
sarflanishi;  2)    nazariy,  amaliy  bilim  darajasini  obyektiv  aniqlash  imkonining 
mavjudligi;  3)  bir  vaqtda  ko’p  sonli  o’quvchilar  bilan  nazoratni  tashkil  etish 
mumkinligi;  4)  bilim  natijalarining  o’qituvchi  tomonidan  qisqa  muddatda 
tekshirilishi;  5)  barcha  o’quvchilarga  bir  xil  murakkablikdagi  savollar  berilib,  ular 
uchun bir xil sharoitning yaratilishi.