B abdullayeva, M. Usmonbayeva, O’. Asqarova, F. Ehsonova, S. Hakimov

Asos 
– pedagogik hodisa yoki jarayon mohiyatini yoritishda muhim ahamiyatga 
ega yetakchi qoida, g’oya, element, tamoyil.   
 
Aspirant
 (lot. “aspirans” – nimagadir intiluvchi) – muayyan yo’nalish bo’yicha 
oliy  ma’lumotga  ega  bo’lib,  fan  nomzodi  ilmiy  darajasini  olish  uchun  nomzodlik 
dissertatsiyasini  himoya  qilishga  tayyorlanayotgan  shaxs.  Muayyan  kasb  yo’nalishi  
bo’yicha  oliy  ma’lumot  (mutaxassislik  ma’lumoti  yoki  magistrlik  darajasi)ga  ega 
bo’lgan  O’zbekiston  Respublikasining  har  bir  fuqarosi  aspirant  bo’lish,  oliy  o’quv 
yurtlari  yoki  ilmiy-tadqiqot  institutlarida  aspiranturada  tahsil  olish  huquqiga  ega. 
Aspirant  individual  nomzodlik  minimumlarini  topshirish  yoki  dissertatsiyaning 
muayyan  qismini  tayyorlash  va  ularni  muhokama  qilish  muddatlari  ko’rsatilgan  ish 
rejasiga  ega  bo’lib,  ilmiy  rahbar  boshchiligida  ilmiy  izlanish  olib  boradi.  Har  bir 
aspirant  tahsil  davrining  1-2-bosqichlarida  “Informatika  asoslari”,    “Falsafa  va 
fanning metodologik asoslari”, chet tili (tayanch ma’lumotiga ko’ra ingl., nem., fr. va 
b.  tillar),  Prezident  asarlari  va  ixtisoslik  fani  bo’yicha  qo’shimcha  mashg’ulotlarga 
qatnashishi  hamda  o’zi  biriktirilgan  kafedra  faoliyatida  ishtirok  etishi  shart. 
Individual  ish  rejasida  belgilangan  vazifalarni  bajarmaganligi  sababli  aspirant 
aspirantlar safidan chiqariladi. 
Uch  yillik  tahsil  davrida  aspirant  davlat  stipendiyasini  olish,  yotoqxona  bilan 
ta’minlanish, yillik ta’tildan foydalanish, o’quv jihozlari, laboratoriya, o’quv-metodik 
xonalar, axborot-resurs markazlari (ularning Nizomlari talablariga ko’ra) foydalanish 
huquqiga  ega. Aspirant, shuningdek, tahsil  davrida  muddatli harbiy  xizmatdan  ozod 
qilinadi.