B abdullayeva, M. Usmonbayeva, O’. Asqarova, F. Ehsonova, S. Hakimov

 
Muomala 
(a.  “muomalat”  –  o’zaro  aloqa,  munosabat)  –  shaxslar  o’rtasida 
tashkil etiladigan og’zaki munosabat, so’zlashuv usuli. 
 
Muqobil  o’quv  dasturlari
  –  tayanch  va  namunaviy  o’quv  dasturlari  asosida 
amaldagi  ishchi  o’quv  dasturlariga  muqobil  ravishda  yaratiladigan  o’quv  dasturlar. 
Bu  kabi  dasturlar  ta’lim  muassasalarining  Pedagogik  kengashlari  tomonidan 
tasdiqlanadi. 
 
Musiqa 
(yun.  “muzike”  –  muzalar  san’ati)  –
 
shaxs  hissiy  kechinmalari,  o’y-
fikrlari, hayotiy intilishlarining musiqiy ohanglar yordamida musiqiy asboblarsiz yoki 
ularning  jo’rligida  ifodalanishi;  san’at  turi.  Musiqa  juda  qadimdan  shakllangan. 
Notalar mavjud bo’lmaganligi sababli qo’shiqlar ovoz yordamida, jo’r bo’lib kuylash 
orqali  o’rganilgan.  Qo’shiqlar  yettita  torli  “kifar”  nomli  musiqiy  asbob  jo’rligida 
kuylangan.