B abdullayeva, M. Usmonbayeva, O’. Asqarova, F. Ehsonova, S. Hakimov

 
Interfaol  ta’lim 
(lot.  “inter”  –  oraliq,  o’rtasi,  o’zaro)  –  o’qitish  jarayonining 
asosiy  ishtirokchilari:  o’qituvchi,  o’quvchi  va  o’quvchilar  guruhi  o’rtasida  yuzaga 
keladigan  hamkorlik,  qizg’in  bahs-munozalar,  o’zaro  fikr  almashish  asosida  tashkil 
etiladigan  ta’lim  turi.  Bu  kabi  ta’lim  erkin  fikrlash,  shaxsiy  qarashlarini  ikkilanmay 
bayon  etish,  muammoli  vaziyatlarda  yechimlarni  birgalikda  izlash,  o’quv 
materiallarini  o’zlashtirishda  o’quvchilarning  o’zaro  yaqinliklarini  yuzaga  keltirish, 
“o’qituvchi – o’quvchi – o’quvchilar guruhi”ning o’zaro bir-birlarini hurmat qilishi, 
tushunishi  va  qo’llab-quvvatlashi,  samimiy  munosabatda  bo’lishi,  ruhiy  birlikka 
erishishi bilan tavsiflanadi. Interfaol ta’lim quyidagi belgilar orqali namoyon bo’ladi: 
ko’p fikrlilik; suhbat (dialog); fikrlashga asoslangan faoliyat; g’oyalarning yaratilishi 
(ilgari surilishi), tanlash imkoniyatining mavjudligi, muvaffaqiyatli vaziyatlarni hosil 
qilish hamda refleksiya.