B abdullayeva, M. Usmonbayeva, O’. Asqarova, F. Ehsonova, S. Hakimov

 
SH 
 
Shaxsga yo’naltirilgan ta’lim
 – o’quvchining fikrlash va harakat strategiyasini 
inobatga  olgan  holda  uning  shaxsi,  o’ziga  xos  xususiyatlari,  qobiliyatini 
rivojlantirishga  yo’naltirilgan  ta’lim.  Unga  ko’ra  o’qituvchi  va  o’quvchi  o’rtasidagi 
o’zaro  munosabat hamkorlik  va tanlash  erkinligiga  asoslanadi.  Bunda o’quvchining 
qadriyatli  yo’nalishlari  inobatga  olinadi.  Ushbu  ta’limning  o‘ziga  xos  jihati  ta’lim 
oluvchi  shaxsini  tan  olish,  uni  har  tomonlama  rivojlantirish  uchun  qulay,  zarur 
muhitni yaratishdan iborat. Shaxsga yo’naltirilgan ta’lim jarayonining asosiy obyekti 
o’quvchi (talaba, tarbiyalanuvchi) bo’lib, uning shaxsi, qadr-qimmati yuqori o’ringa 
qo’yiladi.   Asosiy e’tibor shaxsning intellektual salohiyatini oshirish, dunyoqarashini 
boyitish, 
ma’naviy-axloqiy  tafakkurini  rivojlantirishga  qaratiladi.  Shaxsga 
yo’naltirilgan  ta’limning  bir  necha  turi  mavjud.  Bugungi  kunda  ta’lim  amaliyotida 
shaxsga  yo’naltirilgan  ta’limning  muammoli  ta’lim,  modul  ta’limi,  dasturiy  ta’lim, 
rivojlantiruvchi  ta’lim,  o’yin  texnologiyalari,  interfaol  ta’lim,  hamkorlik  ta’limi, 
tabaqalashtirilgan  ta’lim,  individual  ta’lim,  masofaviy  ta’lim,  mustaqil  ta’lim  va 
innovatsion ta’lim kabi turlaridan keng foydalanilmoqda.