B abdullayeva, M. Usmonbayeva, O’. Asqarova, F. Ehsonova, S. Hakimov

 
Pedagog 
(o’qituvchi;  qad.  yun.  “πα
ῖ
ς”  (“pais”) –  bola,  “
ἄ
γω” (“agogos”)  – 
yetaklayman)  –  pedagogik,  psixologik  va  tegishli  mutaxassislik  bo’yicha    maxsus 
ma’lumot,  kasbiy  tayyorgarlik,  yuksak  axloqiy  fazilatlarga  ega  bo’lib,  ta’lim 
muassasalarida faoliyat ko’rsatuvchi shaxs. “Pedagog” tushunchasi mazmunan “bola 
yetaklovchi”  ma’nosini  anglatadi.  Darhaqiqat,  pedagog  (o’qituvchi)  bolaga  ta’lim 
berish  orqali  uni  ijtimoiy  va  tabiiy  borliq  bilan  tanishtiradi,  ilmiy  bilimlarni  ongiga 
singdirish  orqali  unda  tafakkur  va  dunyoqarashni  hosil  qiladi,  tarbiyaviy  ta’sir 
ko’rsatish asosida uning eng yuksak insoniy sifatlarga ega bo’lishiga yordam beradi. 
Bir  so’z  bilan  aytganda, bolaning  qo’lidan  tutgan  holda  mustaqil  hayot  sari  boshlab 
boradi.   
Mazkur  tushuncha  dastlab  qadimgi  Gretsiyada  qo’llanilgan.  Qadimgi  Afinada 
erkin  fuqarolarning  bolalari  7  yoshigacha  oilada  tarbiyalangan.  Keyin  bolalarni 
pedagog  (yun.  “paydagogos”  –  bola  yetaklovchi)  deb  nomlanuvchi  qullar  nazorat 
qilib  borishgan.  Pedagog  sifatida  ko’p  hollarda  xo’jalikda  foyda  keltirmaydigan 
qullar  tanlangan.  Bundan  ham  anglanadiki,  pedagogning  o’zi  bolalarni  samarali 
tarbiyalay oladigan darajada sifatlarga ega bo’lmagan.