B abdullayeva, M. Usmonbayeva, O’. Asqarova, F. Ehsonova, S. Hakimov

 
Pedagogik  texnologiya 
(o’quv  fani  sifatida)  – 
 
“Pedagogik  texnologiya” 
nazariyasining  umumiy  asoslari,  ta’lim  (tarbiya)  texnologiyalarining  o’ziga  xos 
xususiyatlari,  o’quv  va  tarbiyaviy    tadbir  jarayonini  texnologiyalashtirish, 
loyihalashtirish  shartlari,  innovatsion  yondashuvning  o’ziga  xos  ko’rinishi  bo’lgan 
“Teatr  pedagogikasi”ning  yetakchi  g’oyalari,  pedagogik  mahorat  tamoyillarini 
o’rganadigan  o’quv  fani.  O’quv  fani  sifatida  “Pedagogik  texnologiya”ning  asosiy 
maqsadi  magistrlarni  pedagogik  texnologiya  nazariyasining  umumiy  mazmuni, 
ijtimoiy-ta’limiy  ahamiyati,  ta’lim  va  tarbiya  jarayonining  sifati,  samaradorligini 
ta’minlashdagi  ahamiyatiga  oid  nazariy  bilimlar  bilan  qurollantirish,  ularning  
psixologik-pedagogik va metodik bilim, ko’nikma, malakalarni yaxlit, bir  butun qilib 
birlashtirib  holda  o’quv  va  ma’naviy-ma’rifiy  ishlar  jarayonini  texnologik 
loyihalashtirish,  loyihani  amalga  oshirishda  texnologik  savodxonlik  hamda 
pedagogik  mahoratga  ega  bo’lishlari  uchun  sharoit  yaratishdan  iborat.  Pedagogik 
texnologiyalar  asoslarini  o’rganish  orqali  magistrlar  kasbiy  faoliyatni  uyushtirish, 
ta’lim  va  tarbiya  jarayonini  tashkil  etishda  kam  kuch,  vaqt  sarflagan  holda  yuqori 
natijalarga erishish yo’llaridan xabardor bo’ladi. 
Oliy  ta’lim  muassasalarida  “Pedagogik  texnologiya”  fanini  o’qitish  jarayonida 
quyidagi vazifalar hal qilinadi: magistrlarda pedagogik texnologiyalarning zamonaviy 
ta’lim tizimidagi o’rni, rolini to’g’ri baholash; pedagogik texnologiya nazariyasining 
asoslari,  tashkiliy  elementlaridan  bevosita  foydalanish;  ta’lim  va  tarbiya 
texnologiyalarining  mohiyati,  o’ziga  xos  xususiyatlarini  anglash;  pedagogik 
jarayonni  tashkil  etishga  texnologik  yondashuv  mazmunidan  yetarlicha  xabardor 
bo’lish;  pedagogik  texnologiyaning  o’qituvchi  kasbiy  mahoratini  oshirishdagi  o’rni 
va ahamiyatini tushunish; pedagogik texnologiyaning ustuvor tamoyillari yordamida 
o’quv hamda tarbiya jarayonini yuksak mahorat bilan tashkil etish orqali yuqori sifat, 
samaradorlikka erishish ko’nikma, malakalarini hosil qilish.