B abdullayeva, M. Usmonbayeva, O’. Asqarova, F. Ehsonova, S. Hakimov

 
Man  qilish
  –  xulq-atvori,  xatti-harakatlari,  yurish-turishi  yoki  gap-so’zlari 
qoralangan  bolalar,  o’smirlarga  muayyan  imtiyozlardan  foydalanishga  ruxsat 
bermaslik usuli.  

---

 
125 
Maqol
  –  pand-nasihat  mazmuniga,  kichik  hajmga  ega,  obrazli,  tugal  ma’noni 
ifodalovchi  hikmatli  ibora.  U  xalq  tomonidan  orttirilgan  hayotiy  tajriba  asosida 
yaratiladi. M: “Ayir  qanday bo’lsa, ot shunday”,  “Beshikda tekkan, kafanda ketar”, 
“Bola boqqandan olov yoqqan yaxshi”, “Bola ko’rganini qilar, ota bilganini”, “Bola 
loy,  ona  kulol”,  “Bolani  so’ksang,  beti  qotar,  ursang,  eti  qotar”,  “Daraxtdan  meva 
olaman desang, niholligidan parvarish qil”, “Dard ketar, odat qolar”, “Igna qayoqqa 
yursa,  ip  ham  shu  yoqqa  yuradi”,  “Qush  uyasida  ko’rganini  qiladi”.  O’zbek  xalq 
maqollaridan  xalq  pedagogikasida  foydalanish  bolalar  va  yoshlarni  ajdodlar 
tomonidan  asrlar  davomida  to’plangan  hayotiy  tajriba,  bilimlarga  tayangan  holda 
amaliy faoliyatni, shaxslararo munosabatlarni tashkil etishga o’rgatadi.  
 
Maqsad 
(a.  “maqsad”  –  niyat,  oliy  tilak,  intilish)  –  erishish,  amalga  oshirish 
uchun  ko’zda  tutilgan  narsa,  murod,  muddao.  Tarbiyada  maqsad  ham  muhim  omil 
sanaladi,  zero,  uning  yordamida  shaxs  faoliyati  yo’nalishini  aniq  belgilab  oladi. 
Shaxs  tomonidan  maqsadning  belgilanishi,  aniqligiga  erishish  uning  biologik    va  
ruhiy    ehtiyojlari    bilan    belgilanadi.  Ehtiyojning  aniq  namoyon  bo’lishi  shaxsning 
intilishlarida  ko’zga  tashlanadi.  Intilish  mavjud  ehtiyojni  qondira  oladigan  narsaga, 
uni topish, yangidan yaratish, o’zgartirish va h.k.ga qaratiladi.