B abdullayeva, M. Usmonbayeva, O’. Asqarova, F. Ehsonova, S. Hakimov

 
Gigienik  ta’lim
  –  shaxsga  tashqi  muhit,  ijtimoiy  va  tabiiy  omillarning  inson 
organizmiga  ta’siri  to’g’risidagi  nazariy  tushuncha,  ma’lumotlarni  berish,  uning 
gigienik talab va qoidalarga doir tasavvurini  kengaytirish, mavjud nazariy bilimlarini 
boyitish,  shaxsiy  salomatlikni  mustahkamlash,  organizmni  muhofaza  qilish,  turli 
kasalliklarning  oldini  olish,  organizmni  chiniqtirish  ehtiyojini  qaror  toptirishga 
qaratilgan  didaktik  jarayon.  Bu  turdagi  ta’limni  tashkil  etishda  shaxsni  umumiy  va 
shaxsiy  gigiena  qoidalaridan  xabardor  qilish;  umumiy  gigienaning  bo’limlari  – 
kommunal  (atrof-muhit  omillarining  shaxs  salomatligi  va  yashash  joylarining 
sanitariya sharoitlariga ta’sirini o’rganuvchi) gigiena; ovqatlanish gigienasi (sifatli va 
to’g’ri ovqatlanish muammolarini o’rganuvchi) gigiena; mehnat (mehnat jarayoni va 
ishlab chiqarish muhitining inson organizmiga ta’sirini o’rganuvchi) yoki kasbga oid 
gigiena;  bolalar  va  o’smirlar  gigienasi  (ularning  salomatligini  saqlash  va 
mustahkamlash  masalalarini  tadqiq  qiluvchi  gigiena);  aviatsion  (harbiy  va  fuqarolik 
aviatsiyasining  rivojlanishi  bilan  bog’liq  omillarni  o’rganuvchi)  gigiena;  harbiy 
(tashqi  muhit  omillarining  harbiy  xizmatchilarning  salomatligiga  ta’siri,  salbiy 
omillarga  qarshi  kurashish  choralari,  harbiy  qo’shin  tomonidan  amal  qilishi  zarur 
bo’lgan sanitariya me’yorlarining ishlab chiqilishini o’rganuvchi) gigiena; radiatsion 
(ionlashtiruvchi radiatsiyaning inson organizmiga  ta’siri, radiatsiyadan himoyalanish 
choralarini tadqiq etuvchi) gigiena kabilar bilan yaqindan tanishtirish, shaxsiy gigiena 
qoidalariga  amal  qilishning  ahamiyatiga  doir  ma’lumotlardan  xabardor  qilish 
muhimdir.