B abdullayeva, M. Usmonbayeva, O’. Asqarova, F. Ehsonova, S. Hakimov

 
Fuqaro
  –  fuqaroligi  huquqiy  jihatdan  e’tirof  etilib,  muayyan  jamiyat  (davlat) 
a’zosi bo’lgan shaxs. 
 
Fuqarolik
  –  huquqiy  va  axloqiy  me’yorlarga  ongli  rioya  etish,  ma’lum 
huquqlardan  foydalanish,  burchlarni  bajarishga  mas’ullik  bilan  yondashish,  mehnat 
jarayoni  va  jamoadagi  faollik,  ma’naviy  yetuklik  asosida  muayyan  davlatga 
mansublik. 
 
Fuqarolik  tarbiyasi
  –  o’quvchilarda  yuksak  darajadagi  fuqarolik  madaniyatini 
shakllantirish,  ularni  xalq,  Vatan,  jamiyat  manfaatlari  uchun  kurashuvchi  fuqaro 
sifatida  tarbiyalashga  qaratilgan  pedagogik  jarayon.  Fuqarolik  tarbiyasini  tashkil 
etishda  quyidagi  vazifalar  hal  qilinadi:  1.  Yosh  avlodni  jamiyatda  ustuvor  bo’lgan 
axloqiy  va  huquqiy  me’yorlarga  rioya  etishga  o’rgatish.  2.  O’quvchilarga  fuqarolik 
huquq, burchlari to’g’risida ma’lumotlar berish, ularda fuqarolik faoliyati ko’nikma, 
malakalarini  hosil  qilish.  3.  O’quvchilarda  davlat  ramzlariga  nisbatan  hurmat-
muhabbatni qaror toptirish, O’zbekiston Respublikasi Prezidenti sha’ni, or-nomusini 
himoya  qilishga  tayyorlik  hissini  shakllantirish.  4.  O’quvchilarda  xalq  o’tmishi, 
milliy  qadriyatlarga  muhabbat  hissini  uyg’otish,  ulardan  g’ururlanish,  faxrlanish, 
iftixor  tuyg’ularini  rivojlantirish.  5.  Vatan,  xalq,  millat  ishiga  sodiqlik,  o’z 
manfaatlarini  yurt  manfaatlari  bilan  uyg’unlashtira  olishga  erishish,  fidoiy  fuqaroni 
tarbiyalab voyaga yetkazish. 6. Vatan, yurt ozodligi, mustaqilligini e’zozlaydigan, uni 
himoya qilishga tayyor fuqarolarni tarbiyalash.