Б. А. Абдукаримов, А. Б. Бектемиров, М.Қ. Пардаев, Ш. С. Салимов, Э. Ш. Шавқиев, Ф. Б. Абдукаримов корхона иқтисодиёти

Ўзбекистон Республикасида асосий воситалар бўйича амортизация нормалари¹²

№	Асосий воситаларнинг номи	Амортизация-нинг энг юқори нормаси, фоизларда
1.	Бинолар, иморатлар ва иншоотлар	5
2.	Узатиш қурилмалари	8
3.	Кучқувват берадиган машиналар ва ускуналар	8
4.	Фаолиятнинг турлари бўйича иш машиналари ва ускуналар (ҳаракатланувчи транспортдан ташқари)	15
5.	Ҳаракатланувчан транспорт:
5.1.	-темир йўлнинг ҳаракатдаги таркиби; -денгиз, дарё кемалари, балиқчилик саноати кемалари; -ҳаво транспорти.	8
5.2.	-автомобиль транспортинингҳаракатдаги таркиби; -ишлаб чиқариш транспорти; -енгил автомобиллар ва таксилар; -саноат тракторлари.	20
5.3.	-коммунал транспорт; -махсус вахта вагонлари.	10
5.4.	-бошқа транспорт воситалари	20
6.	Компьютер, периферия қурилмалари, маълумотларни қайта ишлаш ускуналари	20
7.	Бошқа гуруҳларга киритилмаган қатъий белгиланган активлар	10

Амортизация нормаси даражаси асосий фондларнинг эскирган қисмини қайта тиклаш учун зарур бўлган ресурслар ҳажмини ифодалайди. Унинг ёрдамида асосий фондларнинг айланма тезлиги ва уларни такрор ишлаб чиқариш жараёнини моделлаштириш назорат қилинади.

Амортизация ажратмалари миқдори бир неча усулда ҳисобланиши мумкин:

• 
  бир маромда ҳисоблаш;
  
• 
  бажарилган иш ҳажмига пропорционал ҳисоблаш;
  
• 
  хизмат йиллари йиғиндисига пропорционал ҳисоблаш (кумулятив усул);
  
• 
  камайиб борувчи қолдиқ қийматдан ҳисоблаш.
  

Амортизация ажратмалари миқдорини бир маромли усулда ҳисоблаш асосий фондларнинг бир маромда жисмоний ва маънавий эскиришига мўлжалланган (7.4.2-жадвалга қаралсин).