Axborot va kodlash nazariyasi asoslari

Turbo kodni qo‘llash samaradorligini oshirish. SISO kod ochgichlari konsepsiyasi turbo-kodlarda qo‘llangan. Turbo-kod SISO kod ochgichiga “Yengil” yechimga ega qarorli ma’lumotlarni yetkazadi. Mazkur kod ochgichning chiquvchi ma’lumotlari keyin aynan shu yoki boshqa SISO kod ochgichiga uzatiladi. Keyin jarayon qayta takrorlanadi. Bu iteratsiya jarayoni qat’iy qaror qabul qilingunga qadar davom etadi. Chiqayotgan ma’lumotlarni orqaga kirish qismiga qaytarilish konsepsiyasi dvigatelning turbopurkagichiga o‘xshash bo‘lganligi sababli ham turbo-kod aynan shunday nomlangan.

Turbo-kodni qo‘llash samaradorligini oshirish uchun, ma’lumotlarni ikki yoki ko‘proq turli xil kodlar bilan kodlash lozim. Shundan so‘ng kodni ochish jarayonida kodlarning har biri har bitta bitga nisbatan o‘z ishonchlilik darajasini o‘zgartiradi.

Har bir iteratsiyada barcha kodlar ma’lumotlarga bo‘lgan ishonchlilik darajasini o‘zgartiradi. Shunday ekan, har bir kod har bir iteratsiya uchun birmuncha farq qiluvchi ma’lumotlarni kuzatadi.

Har bir kod berilgan bitga nisbatan ishonchlilik darajasini oshiradi yoki pasaytiradi, natijada xato bitlarga nisbatan qarorning qattiqlik darajasini o‘zgartiradi. Oxir oqibatda, ma’lumotlar shunday ko‘rinishga keladiki, bunda barcha kodlar barcha bitlarga nisbatan ishonchlilik darajasini faqatgina oshiradi. Bu bosqichda “Qattiq” qaror kattaligi uzatilayotgan ma’lumotlarga yaqinlashadi.