Axborot va kodlash nazariyasi asoslari

14-ma’ruza uchun nazorat savollari

1. 
   Turbo kodlarga tushuncha bering?
   
2. 
   Turbo-kodlarda navbat qanday amalga oshiriladi?
   
3. 
   Turbo-kodning afzalliklari va kamchiliklari nimalardan iborat?
   
4. 
   Turbo kodlar qaerlarda ko‘proq qo‘llaniladi?
   
5. 
   Kodning spektr og‘irligiga tushuncha bering?
   
6. 
   Dastur murakkabligini baxolash qanday amalga oshiriladi?
   

15-ma’ruza. Yengil yechimli dekodlash
Reja:

1. 
   Qattiq” yoki “Yengil” qaror qabul qilish
   
2. 
   Xatolarni tahrirlovchi RS – kodlar
   
3. 
   Turbo-kodni qo‘llash samaradorligini oshirish
   
4. 
   Tahrirli kodlarni qo‘llash.
   
5. 
   “Yengil” yechimli qaror
   

“Qattiq” yoki “Yengil” qaror qabul qilish. Blokli kodlarni ochish “Qattiq” yoki “Yengil” qaror qabul qilish yordamida amalga oshirilishi mumkin, kodni ochuvchidan chiqishda esa “Qattiq” yoki “Yengil” yechimli ma’lumotlarga ega bo‘lamiz.

“Qattiq” qaror qabul qilish orqali kodni ochishda har bir qabul qilinayotgan bitga qabul qilinayotgan ma’lumotlardagi halaqitlarning me’yordan ko‘p yoki kamligiga bog‘liq ravishda 0 yoki 1 belgisi yoziladi. Kod ochgichda kodlagichda xato borligini aniqlash, imkon bo‘lganda xatoni to‘g‘irlash uchun qo‘shilgan ortiqcha ma’lumot qo‘llaniladi. Kod ochgichdan chiqayotgan ma’lumotlar – bu to‘g‘irlangan kodli so‘zlar xisoblanadi.

“Yengil” yechimli qaror bilan qabul qilingan kod ochuvchi faqatgina 1 yoki 0 binar kattalikni qabul qilib qolmasdan, balki, berilgan bit bilan bog‘liq ishonchli kattalikni ham qabul qiladi.

Agar modulyator bitga 1 belgisi biriktirilishini aniqlasa, u holda ishonchlilik darajasi unda yuqori bo‘ladi. Agar u kamroq aniqlansa, bu xolda u pastroq ishonchli kattalikka joylashtiriladi.

“Yengil” yechimga kiradigan kod ochuvchi “Qattiq” qarorli yoki “Yengil” yechimga ega qarorli ma’lumotlar chiqarishi mumkin.

Masalan, Viterbi kodni ochish qurilmasi “Yengil” yechimli axborotni qabul qiladi va “Qattiq” qarorli ma’lumotlarni chiqaradi. Kod ochuvchi “Yengil” yechimli ma’lumotni berilgan 0 yoki 1 bitning tengligini aniqlash uchun ishlatishi mumkin. Bunda biz chiqayotgan bitdan shunday “Qattiq” qarorga ega bo‘lamiz.