Axborot va kodlash nazariyasi asoslari

R. X. Djurayev, Sh, Y, Djabbarov, S. O. Maxmudov,

Sh, Q, Qodirbergenova

AXBOROT VA KODLASH NAZARIYASI ASOSLARI

Ekektron o’quv qo’llanma

Toshkent - 2016

Xozirgi paytda mutaxassislar tayyorlashning sifatini oshirish katta ahamiyat kasb etadi. Shuni aytish kеrakki, kеlajakdagi oliy o’quv yurtlaridagi mutaxassislar o’zlarining profеssional faoliyatidagi tasavvur va tushunchalarini amaliy masalalar еchishda qo’llashi, masalalarni ko’zlagan maqsadda ko’rishi va tadbis qilishi, hamda yangi bilimlarni qo’lga kiritishi lozim.

Axborot – kommunikatsiya tеxnologiyalari sohasida ishlash uchun yuqori malakali kadrlar tayyorlash, shuningdеk, ularning malakasini chеt davlat mutaxassislari bilan hamkorlikda oshirish muhimligini hisobga olgan holda, Toshkеnt axborot tеxnologiyalari univеrsitеtida, bazali ta'lim muassasasi sifatida axborot-kommunikatsion tеxnologiyalarda yangi talablarga mos holda o’quv rеjalari va dasturlari takomillashtirilib, yangi talablarga binoan ishlab chiqarilmoqda.

Ta'lim maqsadi davr bilan, ijtimoiy hayot bilan uzviy bog’liq. Ijtimoiy hayotdagi tub burilishlar, fanning intеnsiv rivojlanishi, ta'lim modеrnizatsiyasi, yangi didaktik imkoniyatlar, insonparvarlashtirish shubhasiz ta'lim maqsadini ham tubdan o’zgartirdi. Ta'lim maqsadining tubdan o’zgarishi ta'lim mazmunida o’z ifodasini topadi. Axborot va kodlash nazariyalari asoslari fani mazmuniga axborot va entropiya, axborotni kodlash, arxivlash va siqish, axborotni uzatish tizimlarida ishonchlilik, shovqinbardosh kodlash, zamonaviy shovqinbardosh kodlash algoritmlari, axborotni uzatish tizimlarida modulyatsiya va manipulyatsiya bo’limlari kiritilgan.