Axborot va kodlash nazariyasi asoslari

MPEG 7 kelajak formati. 1996 yilning oktabr oyida MPEG guruxi MPEG 7 zichlash formatini ishlab chiqishga kirishdi, unda audio va video axborotni asniflashning universal mexanizmlarini aniqlash ko‘zda tutilgan edi. Bu format Multimedia Content Description Interface nomini oldi.

MPEG oilasining avvalgi zichlash formatlaridan farqli ravishda, MPEG 7 istalgan shakldagi (shuningdek analog) axborotni tasniflaydi va ma’lumotlarni yuborish muxitiga bog‘liq emas. Oldingi formatlar singari MPEG 7 zichlash formati masshtablanuvchi axborotni bitta tasnif ichida generatsiyalaydi.

MPEG 7 zichlash formati audio va video axborotni tasniflashni ko‘p darajali tuzilmasidan foydalanadi. Yuqori darajada faylning xususiyatlari yoziladi, bular nom, yaratuvchi ismi, yaratilish sanasi va hokazo tasniflashning keyingi darajasida MPEG 7 zichlash formati zichlanuvchi audio va video axborotni o‘ziga xosliklari ko‘rsatiladi - rangi, teksturasi, ton yoki tezligi.

MPEG 7 ning o‘ziga xos xususiyatlaridan biri zichlanuvchi axborot turini aniqlash qobiliyatidir. Agar bu audio yoki video fayl bo‘lsa, u avval MPEG 1, MPEG 2, MPEG 4 algoritmlari yordamida zichlanadi, keyin MPEG 7 yordamida tasniflanadi. Zichlash usullarini tanlashda bunday moslashuvchanlik axborot xajmini ancha kamaytiradi va zichlash jarayonini tezlashtiradi.

MPEG 7 zichlash formatining asosiy qulayligi unikal deskriptor va tasniflash sxemalardan foydalanishidadir, ular yordamida axborotni umumiy, hamda semantik belgilari bo‘yicha avtomatik ajratishga imkon beradi. Katalogga kiritish va ma’lumotlarni izlash jarayoni bu zichlash formatini ko‘rib chiqish sohasidan tashqarida joylashgan.