Axborot texnologiyalari va kommunikatsiyalarni rivojlantirish vazirligi

Kolumbiya universiteti — AQShning yetakchi universitetlaridan biri. 1754 yil Nyu-Yorkda Kinge kolleji (Qirollik kolleji) negizida tashkil etilgan. 1912 yil universitet maqomini va hozirgi nomini olgan. Siyosiy fanlar, falsafa, mat., tabiiy fanlar, tibbiyot, huquq, texnika, amaliy fanlar, meʼmorlik, kutubxona ishi, sanʼat va boshqa sohalar boʻyicha mutaxassislar tayyorlaydi. Universitetda 18 mingdan ortiq talaba taʼlim oladi. 30 dan ortiq kutubxonasi bor.



Kornell universiteti — AQSHdagi yirik va koʻp ixtisosli untlardan biri. Nyu-York shtatining Itaka shahrida joylashgan. 1865 yil tashqil etilgan. Asoschisi — kvaker (xristian dini mazhabiga mansub shaxs) E. Kornell nomi bilan atalgan. Muhandislik, ijtimoiy va tabiiy fanlar, meʼmorlik, sanʼat va loyihalash, veterinariya, tibbiyot, qishloq xoʻjaligi, umumiy taʼlim va ekologiya boʻyicha kollejlar, huquq, maʼmuriy-xoʻjalik, ishlab chiqarish hamda mehnat munosabatlari va boshqa boʻyicha maktablar mavjud. Universitetda 18 mingdan ortiq talaba taʼlim oladi. Kutubxonasida 4,5 mln. dan ortiq asar saqlanadi.