Axborot texnologiyalari va kommunikatsiyalarini rivojlantirish vazirligi muxammad al-xorazmiy nomidagi

01/07/2019

Mavzu: «O’zbektelekom» aktsiyadorlik kompaniyasi va “O’zbektelekom” AK bilan aloqador bir qancha tashkilotlar haqida tushuncha.
«O’zbektelekom» aktsiyadorlik kompaniyasi quyidagi vazifa va majburiyatlarni bajaradi.

• 
  Mahalliy, shaxarlararo va xalqaro elektr aloqa xizmatlari bozorining ehtiyojlarini qondirish, ular nomenklaturasini kengaytirish va raqobatbardoshligini ta’minlash;
  
• 
  Vositalar va tarmoqlarning zamonaviylashtirish va texnik qayta jihozlash dasturlarini, shu jumladan, chet el sarmoyalarini keng jalb qilish va qo’shma korxonalarni yaratish asosida amalga oshirish, axborot tizimlarini yaratish soxasiga jahon yutuqlarini tadbiq etish va ularning ishlashi;
  

Bozor islohatlarini keng rivojlantirish;

Respublika axborot tizimlarining telekommunikatsiyalar va informatika jahon tarmog’iga integratsiyasini ta’minlash;

Telekommunikatsiya vositalari va tarmoqlari ishlashining axborot xavfsizligini ta’minlash;

Kompaniya tarkibiga kirgan tarkibiy targ’ibiy bog’lanmalar, boshqa yuridik shaxslarni boshqarish;

«O‘zbektelekom» aksiyadorlik kompaniyasining kadrlar siyosati ishchanlik qobiliyatini hisobga olib, xizmat lavozimlariga tayinlash, menejerlar va mutaxassislarni respublika hamda chet ellar ta’lim muassasalarida doimiy o‘qitish, kadrlarni muntazam yangilab turish va ularning faoliyatlarini nazorat qilib borish kabi demokratik zamonaviy tanlov tamoyillariga asoslanadi.

2019-yil «O‘zbektelekom» AK xodimlari soni 15271 kishini tashkil etadi, ulardan 4271 nafari oliy ma’lumotli, 7339 nafari o‘rta maxsus ma’lumotli hamda 3661 nafari o‘rta ma’lumotlilardir.

Kadrlar malakasini oshirish va qayta tayyorlash masalalariga katta e’tibor qaratilmoqda. Bu borada Kompaniya mahalliy va chet el o‘quv muassasalari bilan o’zaro hamkorlikda ishlaydi. 2019-yilda 8 419 nafar xodimlar malaka oshirdilar, ulardan 10 nafari Korporativ boshqaruv ilmiy-ta’lim markazida, 2 nafari O’zbekiston Respublikasi Prezidenti huzuridagi Davlat boshqaruvi akademiyasida tahsil olmoqda. 3527 nafar xodimlar «Telekommunikatsiya vapersonalni rivojlantirish markazi» filialida malakalarini oshirdilar. Shuningdek, Kompaniyaning 4047 nafar xodimlari bevosita korxonaning o’zida tashkil etilgan o’quv kurslarida, qolganlari esa mahalliy va chet el o‘quv muassasalarining turli kurslarida qatnashdilar.

2018/2019 o‘quv yilida Sankt-Peterburg telekommunikatsiyalar universitetida 16 nafar talaba tahsil olmoqda. 2017/2018 o‘quv yilida 4 nafar talabalar diplom himoya qildilar va hozirgi vaqtda kompaniyaning tarkibiy bo‘linmalarida mehnat qilmoqdalar.

2018-2019 o‘quv yili mobaynida «O‘zbektelekom» AK Toshkent axborot texnologiyalari universiteti hamda uning hududiy filiallari, shuningdek, respublikaning aloqa, kompyuterlar va axborot texnologiyalari sohasidagi 72 ta kasb-hunar kollejlari bilan hamkorlikda mazkur ta’lim muassasalarining moddiy-texnik bazalarini mustahkamlash, shuningdek, ta’lim va ishlab chiqarishning integratsiyasini yanada takomillashtirish bo‘yicha qator tadbirlar amalga oshirildi.

2018-2019 o‘quv yilida kasb-hunar kollejlari hamda «O‘zbektelekom» AK filiallari va korxonalari o‘rtasida tuzilgan uch tomonlama shartnomalar asosida, mazkur ta’lim muassasalarini aloqa, kompyuterlar va axborot texnologiyalari yo’nalishlari bo’yicha tamomlagan 398 nafar bitiruvchilar ishga joylashtirildi.