Avtotransport vositalari servisi asoslari

Uz-DEAWOO hamda “DjiEm Uz” avtomobillarida bajariladigan amallar soni va
davriyligi.
Ba’zi xorijiy avtomobillar (Peugeot-206, Renault Megane, Skoda Oktavia) uchun esa, 120 ming
km yo’l bosib o’tganda o’tkaziladigan servis xizmat ko’rsatishlar soni va almashtiriladigan 5-10 ta detal,
uzel va avtoekspluatatsion suyuqliklari nomlari keltirilgan. Misol tariqasida 2.2-jadvalda “Lasetti”
avtomobilining texnik xizmat ko’rsatish reglamenti keltirilgan. Undan ko’rinadiki, nazorat amallari
umumiy amallarining 80-85 foizini, ijrochilik amallari (detal, uzel va avtoekspluatatsion materiallarni
almashtirish) 15-20 foizini tashkil etadi. SHaxsiy avtomobil egalari kafolatdan keyingi davrda servis
xizmat ko’rsatish bo’yicha davriylik va amallarni hamda ish hajmlarini o’z hohishlari bo’yicha tanlab
olishlari mumkin, ammo ko’pchilik hollarda ular reglament tavsiyalariga rioya qiladilar. Ba’zi zavodlar
avtomobil yoshiga qarab ish xajmining oshishini ko’zda tutadi. Masalan, VAZ da ish hajmini 5-8 yil
ishlash davomiyligida – 10 %, 8 yildan ortig’ida – 20 % oshirish tavsiya qilinadi.
Avtomobillar servisi bo’yicha TXK va JT me’yorlari “Fuqarolar avtomobillariga TXK va T
haqidagi Nizomda keltirilgan, ammo unda har qaysi avtomobil bo’yicha ish hajmlari ko’rsatib
o’tilmagan”. Avtomobilsozlik firmalari avtoservis ish hajmi me’yorlarini mijozlarga ko’p ham ma’lum
qilavermaydilar TXK bo’yicha ish hajmi me’yorlari avtomobil markalari bo’yicha ayrim ma’lumotlarda
keltirilgan “UzDEU avto” ning chiqargan avtomobillari bo’yicha ma’lumotlar “UzDEU avto hissadorlik
jamiyatining Neksiya, Tiko, Damas, Matiz, Lasetti avtomobillariga texnik xizmat ko’rsatish va ta’mirlash
vaqt me’yorlari”da [56] berilgan. Quyidagi (2.3 jadvalda Rossiyaning VAZ, Yaponiyaning Toyota va
UzDEU avtomobillarining TXK ish hajmlari berilgan).
Zavod tavsiyalarida odatda, joriy ta’mir ish hajmlari ko’rsatilmaydi. Bu esa, avtomobillar
ishonchliligi umumiy bahosini (TXK va JT me’yorlari), ishlab chiqarish mintaqalaridagi postlarni,
ustaxonalarning texnologik hisobini qiyinlashtiradi. Firmaviy avtoservisda texnik hujjatlarning but
emasligi (ayniqsa avtomobil egalariga yetkazilmasligi), ishlash sharoiti hisobining sustligi, joriy ta’mir
ish hajmining yo’qligi bu tizimning kamchiligi hisoblanadi.

---

2-jadval.