Автомобилни рўйхатдан ўтказиш

Айирбошлаш шартномасини расмийлаштиришда бож шу божнинг кўп суммаси олинадиган фақат бир машинадан ундирилади.
Қуйидаги шартномаларни расмийлаштиришда:
эр-хотинлар, ота-оналар, болалар ва набиралар, туғишган ака-укалар ва опа-сингиллар ўртасида автомототранспорт воситаларининг олди-сотди, алмаштириш, ҳадя этиш шартномалари расмийлаштирилаётганда бож белгиланган ставканинг 5 фоизи миқдорида ундирилади;
банк кредитлари ҳисобига сотиб олинадиган автомототранспорт воситаларининг олди-сотдиси учун бож белгиланган ставканинг 10 фоизи миқдорида ундирилади;
йўл-транспорт ҳодисаси натижасида шикастланган автомототранспорт воситаларининг олди-сотди, алмаштириш ва ҳадя этиш шартномалари расмийлаштирилаётганда бож миқдори шу транспорт воситалари яроқлилигининг қолдиқ фоизига қараб ўзгартирилади ва унинг миқдори битишув қатнашчиларининг хоҳишига кўра ва нотариуснинг топшириғига биноан Ўзбекистон Республикаси Адлия вазирлигининг суд-экспертиза муассасаларининг мутахассислари, бундай муассасалар бўлмаган вилоятларда эса - "Ўзавтотеххизмат" акциядорлик жамияти корхоналари томонидан белгиланади.
Гербли (махсус) бланкалардаги ишончномалар ва битимлар нотариал тартибда тасдиқланганлиги учун энг кам ойлик иш ҳақининг 10 фоизи миқдорида герб йиғими ундирилади ("Автомототранспорт воситалари билан боғлиқ битимларни расмийлаштириш тартиби тўғрисида"ги Низомнинг 9-банди).
Автотранспорт воситаларини харид қилишда Йўл жамғармасига йиғимлар ундирилади.
Йўл фондига йиғим сотиб олинаётган автотранспорт воситасининг қувватидан, фойдаланиш муддатидан келиб чиқиб ҳар бир от кучи учун энг кам иш ҳақида миқдоридан фоизда ҳисобланади:

фойдаланиш муддати 3 йилгача	10
фойдаланиш муддати 3 йилдан 7 йилгача	7
фойдаланиш муддати 7 йилдан ортиқ	5

Бунда йиғим миқдори:
- ўриндиқлар сони 40 тагача бўлган автобуслар ва юк ортиш ҳажми 20 тоннагача бўлган юк автотранспорт воситалари бўйича - харид қийматининг 20 фоизидан;
- қолган автотранспорт воситалари бўйича - харид қийматининг 6 фоизидан кам бўлмаслиги керак.
Ўзбекистон Республикаси, Россия Федерацияси ва Украинада ишлаб чиқарилган, ихтисослаштирилган савдо тармоғида харид қилинадиган янги автотранспорт воситалари бўйича юридик шахслар 2014 йил 1 январдан бошлаб харид қийматининг 3 фоизидан кам бўлмаган миқдорда йиғим тўлайдилар (ЎзР Президентининг 25.12.2013 йилдаги ПҚ-2099-сон Қарорига 23-илова).

Йиғим тўловчилари бўлиб автортранспорт воситаларини харид қилувчи Ўзбекистон Республикаси резиденти ва норезидентлари ҳисобланади. Йиғимлар ушбу воситаларнинг эгалари (фойдаланувчилари) томонидан мулкчилик шаклидан қатъий назар - рўйҳатдан ўтишда, мулк эгаси ўзгарган тақдирда - автотранспорт воситасини қайта рўйҳатда ўтказишда тўланади.

Йўл жамғармасига йиғимларни тўлаш бўйича имтиёзларни кўринг
Шундай қилиб, автотранспорт воситаларини харид қилишда