Avtomobil g’ildirak va shinalarga Xizmat kursatish

Avtomobil g’ildirak va shinalarga

Xizmat kursatish

G’ildiraklarni ajratish-yig’ish jarayonidagi qo’l mehnatini yengillatishda qo’zg’almas shinamontaj jihozlardan (4.18-rasm) foydalaniladi. Yuritma turiga qarab, bunday jihozlar mexanik, gidravlik va pnevmatik bo’ladi.
Avtomobil servisi korxonalari uchun texnologik jihozlar ishlab chiqaruvchi kompaniyalar tomonidan xilma-xil shinamontaj
qurilmalari ishlab chiqarilmoqda. Kuyida shularning ayrimlari bilan tanishtirib o’tamiz.


Monti 3300 GP-rusumli _{TWC-502-rusumli} 4.18-rasm. Shinamontaj qurilmalari
Yuk avtomobillarining shinasini demontaj qilish uchun Sh- 509,TSKB-2467, StKB-2422, StKBSh-501 M-turdagi gidravlik yuritmali jihozlar ishlab chiqarilgan. Sh-509 turdagi jihoz 7,50�20 dan 12,00�20 gacha bo’lgan o’lchamdagi shinalarni demontaj va montaj qilish uchun mo’ljallangan. Buning uchun g’ildirak shinasi bilan (kameradan havosini chiqarib yuborib) vertikal holatda (gidravlik ko’targich yordamida markazga to’g’rilab) pnevmatik patron bilan mahkamlanadi. Mexanik qurilma yordamida qulflash halqasi yechib olinadi. Bort halqasi 140 kN ga etadigan kuch bilan keriladi va yechib olinadi. So’ngra, shinaga yechgich panjaralarini (g’ildirak diski xoshiyasi bilan bort orasiga) pona qilib qo’yiladi, bort g’ildirak xoshiyasidan (215 kN kuch bilan) ajratiladi va shina diskdan surib siljitiladi.
Yuk avtomobillarining g’ildiraklari yig’ilgan holatda (ayniqsa, juflanganlari) katta og’irlikka ega. Shuning uchun ularni yechib olish va o’rnatish ma’lum qiyincxiliklarni tug’diradi. Bu ishlarni yengillatish uchun avtomobil g’ildiraklarini yechib olish, o’rnatish hamda ularni ta’mirlash stexlariga eltish uchun maxsus aravachalardan (4.19-rasm) foydalaniladi
b)
4.19.-rasm. Avtomobillar g’ildiraklarini yechib olish, o’rnatish va tashish uchun aravacha. a- umumiy ko’rinishi; b- ish jarayonida.

ARTIGLIO MASTER 26 MI qurilmasi universal, to’la avtomatlashtirilgan, o’lchami 26 dyuymgacha bo’lgan barcha turdagi g’ildiraklar uchun mo’ljallangan, qurilmada past profilli va RUN FLAT (shu jumladan, PAX) shinalarni xam ajratish va yig’ish mumkin. Jihoz avtomatik tarzda g’ildiraklarni ko’tarish, o’rnatish, ajratish-yig’ish, ajratish kalitini moslashtirish, shina chetini ajratish va ko’tarish amallarini bajaradi.

Shinani havo bilan to’ldirish tizimi qisish mushtchasi orqali amalga oshiriladi. Tepki bosilganda montaj ustuni orqaga og’adi va pnevmoyuritma yordamida oldinga keladi. Montaj kallagi ishchi holatida pnevmatika yordamida ushlab turiladi. Shinaga havo berish tepki yordamida boshqariladi.
Shinaning bir tekisda yeyilishini ta’minlash hamda undan uzoq muddat foydalanishga erishish uchun g’ildiraklarni almashlab qo’yiladi. Har 10�12 ming km masofadan so’ng (yo’l sharoitiga bog’liq holda), g’ildirak shinasi bilan birga zavod tavsiya etgan shakl asosida o’rinlarini almashlab qo’yish tavsiya etiladi.
Zaxiradagi shina esa faqat uning holati, boshqa shinalar bilan bir xil bo’lgandagina almashlab qo’yiladi.