Автомобил генераторлари

ЭМКР тавсифномасини яхшилаш усуллари:
а) Ростлагич якорчасининг тебраниш частотасини ошириш учун тезлатувчи резисторли махсус схема ишлатилади;
б) Ростлагич контактлари орасида ҳосил бўладиган учқун қувватини камайтириш мақсадида икки босқичли кучланиш ростлагичлари ишлатилади (масалан, РР-380);
в) Ростлагич чулғамининг ҳарорати ўзгариши таъсирида унинг қаршилиги r_o ни ўзгаришини термокомпенсация (қоплаш) қилиш (чунки, чулғамнинг ҳарорати +80⁰ С гача кўтарилса, r_o 25-30 % га ортади) учун қуйидаги воситалар ишлатилади:
• чулғамга кетма-кет температура ўзгариши билан қаршилигини деярли ўзгармайдиган материаллардан (нихром, константан) тайёрланган термокомпенсация қаршилиги ўланади;
• якорча термобиметалл пластина орқали маҳкамланади;
• чулғам ўзагига ҳароратга боғлиқ равишда ўзининг магнит қаршилигини ўзгартирувчи магнит шунти ўрнатилади.
3.Контакт-транзисторли кучланиш ростлагичи (КТКР)
КТКР да уйғотиш токи транзистор VT1 ёки қўшимча қаршилик Rқ орқали ўтади, контактлар орқали эса қиймати катта бўлмаган транзисторни бошқариш токи ўтади. Ростлагич ишини транзисторнинг база занжирига уланган контактлар бошқаради. Сезувчан элемент вазифасини генераторнинг тўла кучланишига уланган ростлагич чулғами РЧ бажаради
Ростлагич қуйидагича ишлайди.
Uг
Uг>Uр бўлганда электромагнит ўзагида ҳосил қилган магнит майдон пружинанинг тортиш кучини енгиб, якорчани пастга тортади ва ростлагич контактларини туташтиради. Туташ контактлар орқали транзисторнинг базасига мусбат импульс узатилади, транзистор VT1 кескин ёпилади ва генераторнинг УЧ га ток қўшимча қаршилик Rқ орқали ўтади. Генераторнинг уйғотиш токи Iу камаяди, кучланиши Uг пасая бошлайди.
Генераторнинг кучланиши маълум белгиланган қийматгача пасайганда пружина контактларни узади, транзистор VT1 очилади, генераторнинг кучланиши яна ортади. Бу жараён даврий равишда ~ 100 гц частота билан давом этади ва шу тарзда гене-раторнинг кучланиши белгиланган қиймат даража-сида ушлаб турилади
Контакт-транзисторли ростлагичларнинг