Avtomobil dvigatelining sovutish va moylash tizimiga texnik xizmat ko`rsatish va ta`mirlash ishlari texnologiyasi Reja

Avtomobilni o`zida moy nasoslarini yechib olish. Buning uchun dvigatelni poddon karteri yechib olinadi. VAZ-2105 avtomobilida poddon karteri va kopndalang orasida yetarli joy (tirqish) bo`lishi uchun dvigatelni oldingi yon tayanchlarini bo`shatib, uni tirkagich yordamida koptarib qo`yiladi va poddon karter yechib olinadi. SHundan so`ng moy nasosi qotirmasi boltini va moy qabul qilgich gaykasi bo`shatiladi va moy nasosini qistirmasi va moy qabul qilgich bilan birga yechib olinadi.
VAZ-2105 va 2106 dvigatellarini moy nasosini qismlarga ajratish, detallarini tekshirish. Moy nasosi quyidagi tartibda qismlarga ajratiladi:
-moy nasosi qisqichga mahkamlanadi;
-nasos qol’og`i qotirmasi bo`shatiladi va u qistirmasi bilan olinadi.
-etaklovchi shesternyadan valik sug`urib olinadi va yetaklanuvchi shesternya o`qidan olinadi.
Moy nasosi detallari holatini tekshirish shchuplar to`’lami bilan amalga oshiriladi. Shchuplar yordamida shesternya tishlari orasidagi tirqish tekshiriladi. Yangi tishlar orasidagi tirqish 0,15 mm ni (chetki ruxsat etilgani 0,25 mm) va shesternyani tashqi diametri va korpus orasidagi tirqish 0,11...0,18 mm ni (chetki ruxsat etilgani 0,25 mm) tashkil etishi lozim. Agar tirqishlar ruxsat etilgan chegaradan oshgan bo`lsa shesternyalar, lozim bo`lsa nasos korpusi almashtiriladi.
So`ng shchup va chizg`ich yordamida shesternya tortsalarini korpus tekisligidan chiqishi tekshiriladi (3-rasm), u 0,05...0,135 mm ni (agar shesternyani korpusdan chiqib turishi 0,02 mm dan kam bo`lsa shesternya yoki nasos korpusi almashtiriladi) tashkil qilishi lozim. Etaklovchi shesternya valigi va uni korpusdagi teshigi diametri hamda yetaklanuvchi shesternya teshigi va uning o`qini diametri o`lchanadi va ular orasidagi tirqish aniqlanadi, ular mos ravishda 0,016...0,055 mm (chetki ruxsat etilgani 0,10 mm.) va 0,017...0,0057 mm (chetki ruxsat etilgani 0,10 mm) tashkil qilishi lozim. Agar tirqishlar ruxsat etilganidan ko’payib ketsa yeyilgan detallarni almashtirish lozim. Reduktsion klapan prujinasini erkin holatida prujina uzunligi 38 mm hamda 63,52N (6,350.2 kg/s) kuch bilan bosganda uni uzunligi 20 mm dan kam bo`lmasligi lozim. Aks holda u almashtiriladi. Moy nasosi qismlarga ajratishga teskari tartibda yig`iladi. Yig`ilgandan so`ng moy nasosini yetaklovchi shesternya valigi qo`ldan yengil aylanishi lozim.