Avtomatlashtirish tizimlarini loyihalash

22.6.2. Boshqarish prinsiplari.
Aralashtirish tizimini boshqarish masalasi asbob-uskunani xpvfsizlik va samarali foydalanish talablariga muvofiq texnologik jarayonni yuritishdan iborat.
Suv N – 1A (N – 1V) nasos yordamida E – 1 aralashtirgich idishga haydaladi.
Sirka kislotasi shu idishning o‘ziga N – 2A (N – 2V) nasos yordamida haydaladi. Har bir oqimning berilgan sarfini mos ravishda suv va kislota liniyalaridagi FV– 100 va FV – 110 klapanlar yordamida FIRC – 100 va FIRC– 110 rostlagichlari ta’minlaydi. Suv va kislota oqimlari E – 1 idishda M – 1 aralashtirgich yordamida aralashtiriladi. Olingan aralashma idishdan (rezervuardan) N – 3A (N – 3V) nasos yordamida chiqarib olinadi.E –1 idishdan chiqarib olinayotgan eritma miqdorini klapani aralashmani chiqarish liniyasida joylashgan FIRC – 120 rostlagichi belgilaydi. Kaskadda sarf rostlagichi uchun o‘rnatmani E – 1 da sathni saqlab turuvchi LIRC – 400 rostlagich beradi.
Idishdan chiqarilayotgan eritma tarkibi AI – 520 analizatori (tahlillagichi) bilan nazorat qilinadi, u aralashmadagi kislota konsentrasiyasini aniqlaydi. Agar aralashma tarkibi spesifikasiyaga mos kelmasa, aralashmani nokondisiya liniyasiga chiqarish imkoniyati nazarda tutilgan. PIR– 200, PIR– 210 va PIR– 220 datchiklari mos ravishda N – 1/A,V, N – 2/A,V va N – 3/A,V nasoslarning haydash liniyasidagi bosimni nazorat qiladi.
22.6.3. Texnologik uzelning o‘lchanadigan va boshqaruvchi o‘zgaruvchilari hamda me’yordagi ish rejimida ularning qiymatlari.
22.6.3.1. O‘lchanadigan o‘zgaruvchilar (datchiklar)

Pozisiya №	O‘lchanadigan o‘zgaruvchi	O‘lchov birligi	Me’yoriy rejimdagi qiymat
AI – 520	Aralashma konsentrasiyasi	% mass	42.86
AI – 521	E–1 da aralashmaning konsentrasiyasi (laboratoriya tahlili)	% mass	42.86
FIRC – 100	E–1 idishdagi suv sarfi	m^3/soat	9.08
FIRC – 110	E–1 da kislota sarfi	m^3/soat	6.81
FIRC – 120	E–1 dan chiqadigan aralashma sarfi	m^3/soat	15.89
LIR – 401	E–1 idishdagi aralashma sathi (joyiga qarab o‘lchash)	%	0.00
LIRC – 400	E–1 dagi aralashma sathi	%	50.00
PIR – 200	N–1 chiqishdagi bosim	kg/sm^2	0.55
PIR – 210	N–2 chiqishdagi bosim	kg/sm^2	0.63
PIR – 220	N–3 chiqishdagi bosim	kg/sm^2	0.49

Eslatma.
AI – 521 datchigi aralashma konsentrasiyasining laboratoriya tahlilini imitasiyalaydi. Texnologik uzelning me’yordagi ishlash rejimida AI – 521 datchigining ko‘rsatishlari ekranga chiqarilmaydi. Ularni ko‘rish uchun kolba tasviri tushirilgan tugmachaga sichqoncha bilan cherting.