22.6.4. Standart talablar 22.6.4.1. “Sovuq standart”. Umumiy mulohazalar. “Sovuq standart” mashqi siljish uzelini xavfsiz va to‘g‘ri ishga tushirish uchun zarur harakatlar ketma – ketligini o‘rganib olishga imkon beradi. Aralashtiruvchi idishgacha va va undan keyingi zarur asbob-uskuna (ya’ni texnologik zanjir bo‘yicha undan yuqori va past) ishga tushirishga tayyor va barcha energetik tizimlar ishga tushirish uchun tayyor holatda turibdi deb, faraz qilinadi.
SHuningdek, modellashtirilmaydigan quyidagi tizimlar ishga tushirish uchun tayyor turibdi deb, faraz qilinadi:
Suv va sirka kislota idishlari;
Aralashmani qabul qilib olish uchun idish;
Umumiy vazifani bajaruvchi zavod tizimlari:
Zavod va asbob havosi;
Elektr ta’minot tizimi;
Drenaj tizimi;
Ventilyasiya tizimi.
Quyida sanab o‘tilgan ishga tushirishdan oldingi operasiyalar bajarilganiga va asbob-uskuna ishga tushirish uchun tayyor ekaniga ishonch hosil qiling.
Ishga tushirishdan oldingi operasiyalar:
Quvurlarni va qurilmani yuvish hamda tozalash, tiqinlarni olib tashlash.
Bosimning mavjudligini albatta nazorat qilib, butun texnologik zanjir bo‘yicha quvurlarning o‘tkazish qobilyatini tekshirish.
Qurilmaga elektroenergiya, NO‘A havosi, texnologik havo va azotni qabul qilish.
Asbob-uskunaning ishlash layoqatini tekshirish, nasoslar va ventilyasiya tizimlarini ishga tayyorlash hamda ishlatib sinash.
NO‘A asboblarini tekshirish va ishlashga kiritish (hamma rostlagichlar uning klapanlari berkitilgani holda dastaki rejimda bo‘lishi kerak).
Uzelning ishlashi bilan bog‘liq va barcha xizmatlar xodimlarini ishga tushirish boshlagani to‘g‘risida xabardor qilish.
Qo‘yida ishga tushirish tadbiri, ya’ni texnologik uzelni ishga tushirishda Sizning harakatlaringiz ketma – ketligi tavsiflanadi.
Tadbir.
Suv bilan ta’minlovchi N – 1A nasosni tushiring (ulang).
Sirka kislota bilan ta’minlovchi N – 2A nasosni ishga tushiring(ulang).
Suv (FV–100) va kislota (FV–110) sarfi rostlagichlari klapanlarini qo‘lda biroz oching.
Sarflar quyidagi me’yoriy qiymatlarga etgunga qadar oqim miqdorini asta – sekin oshira boring: FIRC–100 – 9.08 m3/soat va FIRC–110 – 6.81 m3/soat.
FIRC–100 va FIRC–110 rostlagichlarni avtomatik rejimga o‘tkazing.
E – 1 rezervuar (idish) dagi sathni LIRC – 400 datchigining ko‘rsatishlariga ko‘ra nazorat qiling. E – 1 dagi sath taxminan 25% ga etganda, M – 1 aralashtirgichni ishga tushiring.
Aralashmani so‘ruvchi N – 3A nasosni ishga tushiring. Aralashmani porkka chiqarish liniyasidagi HV – 001 ajratkichni oching.
E – 1 idishdan aralashmani chiqarishni boshlang — FV – 120 rostlagich klapanini shunday ochingki, bunda aralashma sarfi uncha ko‘p bo‘lmasin.
AI – 520 tahlillagich (analizator) ning ko‘rsatishlariga ko‘ra eritmaning konsentrasiyasini tekshiring, bunda olinayotgan maxsulot konsentrasiyasi me’yordagiga yaqin (42.8%) bo‘lishini tekshiring.
E – 1 rezervuardagi sath taxminan 50% ga etganda rezervuardagi sath rostlagichi LIRC – 400 ni 50% li o‘rnatma bilan avtomatik rejimga o‘tkazing, FIRC – 120 rostlagichni esa, uzoqlashtirilgan rejimga o‘tkazing.
O‘lchanayotgan har bir kattalikni nazorat qiling va jarayonni shunday tartibga solingki, bunda uzel ishini istalgan holatga siljitish uchun zarur bo‘ladigan bo‘lsin.
Texnologik uzel me’yordagi ish rejimiga chiqarilgan.