Avtomatlashtirilgan elektromexanik sistemalar

Izlanuvchi tizimlarning ishlash asoslari

Tezligi chastotani o‘zgartirib rostlanadigan asinxron elektr yuritmalarning elektr va energetik ko‘rsatkichlarini optimal boshqarishda ekstremal boshqarish prinsiplari qo‘llaniladi. Bunda o‘zgaruvchi elektr va energetik ko‘rsatkilarning uzluksiz bo‘lishi sharti bajarilishi kerak. Ma’lumki, boshqariluvchi o‘zgaruvchan tok o‘zgartkichlarning chiqishidagi asinxron motorining stator chulg‘amidagi tok qiymati ishchi mexanizm statik momenti bilan to‘g‘ri proporsional bog‘langan bo‘ladi. Asinxron motor o‘qidagi mexanik yuklanishning o‘zgarishi asinxron motor stator chulg‘amidagi tokning o‘zgarishiga olib keladi. Asinxron motor endi yangi ish rejimiga o‘tib ishlaydi, ya’ni motorning aktiv quvvati o‘zgarmagan holda uning tarmoqdan olayotgan reaktiv quvvati real mexanik quvvatga nisbatan o‘zgaradi, natijada quvvat va foydali ish koeffitsiyentlari o‘zgaradi.

Bu koeffitsiyentlarning motor pasportida keltirilgan qiymatlarga yaqin qilish uchun stator chulg‘amiga berilayotgan kuchlanishni o‘zgartirish kerak bo‘ladi. Kulanishni o‘zgartirish uchun, masalan asinxron motor minimum stator toki rejimda ishlatish tanlangan bo‘lsa, u holda

sharti bajarilishi kerak bo‘ladi. Tenglamadagi magnit oqimini kuchlanish bilan almashtirish ekstremal boshqarish tizimini soddalashtirishga olib keladi.

9.4 – rasm

Asinxron motorning xaqiqiy qiymati DQ1 da vaqt bo‘yicha differensiallanib bo‘lish bloki BB ning birinchi kirish qismiga yuboriladi, stator kuchlanishi DQ2 da vaqt bo‘yicha differensiallanib BB ning ikkinchi kirishiga yuboriladi va BB da bo‘lish amali bajariladi

va bu signal kuchlanish blokiga uzatiladi (asinxron motor chastota o‘zgartkichdan taminlanayotgan bo‘lsa) yoki IFBT ga yuboriladi (asinxron motor tiristorli kuchlanish rostlagichdan ta’minlanayotgan bo‘lsa). Bu BB da hosil bo‘lgan signal oldin xotira qurilmasi XQ da saqlanayotgan oldingi qiymati bilan solishtiriladi va qiymati farqli bo‘lsa XQ signal bilan almashtiriladi.

Nazorat savollari:

 

1. Qanday hollarda asinxron motorni minimum stator toki rejimida ishlatiladi?

2. Minimum stator toki rejimining qanday afzalliklari va kamchiliklari bor?

3. Izlanuvchi tizimlar qanday ishlaydi?