Avtomatika va ishlab chiqarish jarayonlarini avtomatlashtirish

7.3 Yukni tushiruvchi mexanizmlar va avtooperatorlar.
Avtomatlashtirish jarayonida detallarga to’liq ishlov berilganidan so’ng ishchi pozitsiyadan chiqarish, ya’ni ularni tushirish zarur. Buning uchun ba’zi hollarda maxsus qurilma – yukni tushiruvchilardan foydalanishga to’g’ri keladi. Ularning konstruksiyasi yuklovchilarga nisbatan biroz oddiyroq, chunki Yukni tushirish jarayonida mahsulotlar orientirini yo’qotilishi ruhsat etiladi. YUk tushiruvchilar sifatida ko’pincha oddiy itaruvchilar, tashlab Yuboruvchilar va boshqalardan foydalaniladi. Lekin shunday operatsiyalar borki, tushirib olishni mexanizasiyalash katta ahamiyatga ega, masalan sovuqlayin shtamplovchi ishlar. Bir qator holatlarda shtamplangan detal puanson yoki matrisada qoladi va tushirib yuborish kerak. Shtamplangan detallarni tushirib olish uchun (qo’l hizmatidan foydalanilganda) ketadigan vaqt oddiy shtamplarda ushbu operatsiya’ni bajarish uchun ketadigan umumiy vaqtning 35-50% (yordamchi vaqtlar bilan birgalikda) tashkil etadi.
Ushbu vaqtni kamaytirish, shtamplangan detalni tushirib olishda inson bevosita ishtirok etishini yo’qotish yoki texnologik chiqindilarni kamaytirish uchun shtampga maxsus mexanizmlar kiritish yo’li bilan bajarish mumkin.
Tushirib olishni mexanizasiyalash unumdorlikni oshiradi va mehnat sharoitini yaxshilaydi, qo’l mehnati bilan detallarni tushirib olishda ehtimoli bo’lgan bahsiz xodisalarni to’liq bartaraf etadi. Shtamp konstruksiyalari va shtamplanadigan detallar shakllari turlicha bo’lganligi sababli detallarni tushirib olish uchun turli-tuman mexanizmlar mavjud.