Автоматика асослари ва микропроцессор техникаси

Интерфейс – тизим қурилмалари орасида ахборот алмашишни таъминловчи жараён (протокол)лар алгортмлари, электрон схемалар, сигналлар, шиналар ва линиялар тўпламини ўзида намоён этади. МПТ самарадорлиги, ишончлилиги ва фойдаланиш қулайлиги нафақат унинг таркибига кирувчи қурилмалар тавсифномалари билан, балки тизим қурилмаларини боғловчи интерфейсларнинг катта даражаси билан ҳам аниқланади.
Тизимни ташкил этадиган қурилмалар бажарилаётган ишчи операциялари ҳаракатларнинг физик принциплари, фойдаланилаётган команда ва буйруқлар, бошқарувчи сигналлар (кодлар) ва маълумотлар форматлари, ахборотни узатиш тезлиги билан фарқланганлиги учун қурилмалар орасида ахборот алмашув ва ўзаро боғлиқ ҳаракатни содда ва самарали ташкил этиш мураккаблашади. Тизим таркибига кирувчи периферия қурилмалари, шунингдек технологик жараён МПТ билан боғлиқ жиҳозлар бир-бирига нисбатан ва процессорга (дастурга) нисбатан асинхрон ишлайди ва улар томонидан ахборот алмашув ҳамда алоқа ўрнатишга бўлган мурожаатлар вақтнинг исталган пайтида туғилиши мумкин.
МПТ қурилмалари орасида ўзаро алоқа ва ахборот алмашувининг ташкил этилиши қуйидагиларни таъминлаши керак:
- турли конфигурацияли (турли тузилишга эга қурилмалар) МПТ ни қўллаш, тизимга янги қурилмаларни аппаратурада қандайдир ўзгартиришлар билан эмас бу қурилмаларга хизмат кўрсатувчи дастурни қўллаш билангина қўшиш имконияти;
- периферия қурилмаларида киритиш-чиқариш операциялари ва процессорда дастур бажарилишининг бир вақтнинг ўзида параллел бажарилиши имконияти;
- киритиш-чиқариш операцияларини дастурлашни у ёки бу периферия қурилмалари хусусиятларини ҳисобга олиш зарурлигини ҳисобга олмаган ҳолда соддалаштириш ва унификациялаш.
Юқорида кўрсатилган талаблар МПТ қуришда хос бўлган қуйидаги архитектура ечимлари асосида амалга оширилади:
- МПТ ларни магистрал-модулли ташкил этиш; бундай ташкил этиш шундан иборатки, бунда алоҳида МП қурилмалари унга мос келувчи корпусга чиқишлари билан ўраб олинган КИС ни намоён этадиган конструктив тугалланган модуллар кўринишида бажарилади ва бу модуллар тизимга ахборот узатиш операциялари вақтида қурилмалар (модуллар) бўйича тақсимланадиган умумий шина (магистрал) воситаси ёрдамида бирлашади.