Автоматика асослари ва микропроцессор техникаси

7-расм. Тўғридан-тўғри адреслаш


Регистрли адреслаш (8-расм). Бунда (кирувчи ёки чиқувчи) операнд процессор ички регистрида жойлашган бўлади. Масалан: команда қуйидагича бўлиши мумкин: бирон сонни нолли регистрдан биринчи регистрга жўнатилсин. Ҳар иккала (0 ва 1) регистрларнинг рақамлари жўнатиш командаси коди томонидан аниқланади.

8-расм. Регистрли адреслаш


Айланма регистрли (айланма) адреслаш. (9-расм) Бунда процессорнинг ички регистрида операнднинг ўзи эмас, хотирадаги унинг адреси жойлашган бўлади. Масалан, команда қуйидагича бўлиши мумкин: нолли регистрда жойлашган адресли хотира ячейкаси тозалансин. Бу регистр рақами (0) тозалаш командаси коди томонидан аниқланади.

9-расм. Айланма регистрли адреслаш.

Адреслашнинг жуда ҳам кам учрайдиган яна икки хил тури мавжуд.

Автоинкремент адреслаш айланма адреслашга жуда яқин, лекин ундан шундай фарқ билан ажраладики,команда бажарилганидан кейин фойдаланилган регистр ташкил этувчиси бир ёки икки бирликка ошади. Адреслашнинг бу тури хотирада жойлашган маълумотлар массивидан кодларни кетма-кет қайта ишлашда жуда қулай бўлиб ҳисобланади.
Автодекремент адреслаш автоинкремент адреслаш ишига ўхшайди, фақат танланган регистр ташкил этувчиси команда бажарилиши олдидан бир ёки икки бирликка камаяди.
Назорат саволлари


1. Процессор сўзи нима маънони билдиради?
2. Микропроцессорли тизим тушунчасига таъриф беринг.
3. Микропроцессорли тизимларнинг ривожланиш тарихи ҳақида маълумот беринг.
4. Микропроцессор асосан қандай қурилмалардан иборат бўлади?
5. Микропроцессорлар қандай тартибда ишлайди?
6. Шина, адреслаш, команда форматлари, регистрларга таъриф беринг.


МАЪРУЗА № 7


Микропроцессор қурилмаларининг киритиш ва чиқариш интерфейслари

Р еж а :
1. Микропроцессорли қурилмаларнинг киритиш ва чиқариш интерфейслари

2. Унифицирланган БИС интерфейс қурилмаси.
3. Шина шакллантирувчиси, кўп режимли оралиқ регистри.
4. Катталикларни дастурлаш йўли билан киритиш ва чиқариш.


Таянч сўзлар: киритиш-чиқариш (КЧ), интерфейс, операция, КИС, унификация, процессор, регистр, дастурий, бошқариш, маълумот, ахборот узатиш, порт, протокол, ташқи қурилма, шина, магистал, буфер.