Август 2020 10-қисм

Август 2020 10-қисм
Тошкент
O‘QITUVCHI IJODKORLIGI TA’LIM SIFATI UCHUN MUHIM OMIL
Alimardonova Hamida Normurodovna 
Surxondaryo viloyati Sariosiyo tumani
55-umumta’lim maktabi
boshlang‘ich sinf o‘qituvchisi
telefon:[phone]
e-mail:[e-mail]
Annotatsiya
: maqolada ta’lim sifati va samaradorligini oshirishda o‘qituvchining o‘rni, 
o‘qutuvchi faolligi, ijodkorligi, keng dunyoqarashining ish faoliyatiga ta’siri masalasi yoritilgan 
Kalit so‘zlar: 
kasbiy tayyorgarlik, zamonaviy axborot kommunikatsiya texnologiyalari, 
pedagogik va innovatsion texnologiyalar
Yaxshi o‘qituvchi bo‘lish uchun nimani o‘qitsang o‘shanga, 
kimni o‘qitsang o‘shalarga mehr qo‘ymog‘ing zarur. 
V.О.
Klyuchevskiy
Zamonaviy ta’lim nazariyasi o‘qituvchini o‘quv-biluv jarayonining rahbari sifatida
baholaydi. Demak, o‘qituvchi shu jumladan, boshlang‘ich sinf o‘qituvchisi jarayonga to‘g‘ri
rahbarlik qilish uchun chuqur bilimga, yuksak kasb mahoratiga ega bo‘lishi lozim. 
O‘qituvchi ko‘p jihatdan o‘quvchi uchun o‘rnakdir. Shuning uchun ham u birinchi
navbatda bolani o‘ziga jalb eta olishi kerak.
Demak, o‘qituvchi o‘quvchi qalbidagi uchqunni puflashi, olovlatishi gurullab yonishiga imkon 
va yo‘l ko`rsata olishi zarur. Buning uchun,avvalo, o‘quvchilarni faollashtira oladigan turli o‘yin 
vositalaridan foydalanish kerak. Yangilanayotgan boshlang‘ich ta’lim nazariyasi o‘qituvchining
shaxsiy sifatlari, kasb mahorati va bilim darajasini diagnostika qilish asoslarini ishlab
chiqishi lozim. Tekshirish natijalari asosida boshlang‘ich sinf o‘qituvchilarini tayyorlash
va qayta tayyorlash asoslari yaratilishi hamda ta’lim amaliyotiga joriy etilishi kechiktirib
bo‘lmaydigan vazifalardan biridir .
Bugungi kunda ta’limdagi yangilanishlar jarayoni pedagoglarga malakaviy talablar 
qo‘ymoqda. Bu talablar quyidagilardan iborat:
1.Kasbiy tayyorgarlik (o‘z fanini chuqur bilish, ).
• 2.Zamonaviy axborot kommunikatsiya texnologiyalaridan xabardor bo‘lish. 
• 3.Pedagogik va innovatsion texnologiyalarni amaliyotga tadbiq eta olish.