Аудиторский отчет

3.17
 
Харажатлар 
Ушбу боб қуйидаги талабларга мувофиқ тартибга солинади: 
1-сон БҲХС «Молиявий ҳисоботни тақдим этиш».
3.17.1
 
Харажатларнинг таърифи 
Харажатларнинг таърифи турли хил йўқотишларни, шунингдек, ташкилотнинг одатий 
фаолиятида юзага келадиган харажатларни ўз ичига олади. Ташкилот фаолиятининг одатий 
фаолияти жараёнида юзага келадиган харажатлар, масалан, сотиш, иш ҳақи ва амортизация 
харажатларидан иборат бўлади. Улар, одатда, нақд пул ва пул маблағлари эквивалентлари, 
захиралар ва асосий воситалар каби активларни ҳисобдан чиқариш ёки «қадрсизланиши»ни 
ифодалайди.
Зарарлар иқтисодий нафнинг камайишини ифодалайди ва шу тариқа бошқа харажатлардан ўз 
хусусиятига кўра фарқ қилмайди. Зарарларга, масалан, ёнғин ёки сув тошқини каби табиий 
офатлар туфайли кўрилган зарарлар, шунингдек, жорий бўлмаган активларни ҳисобдан 
чиқаришдан вужудга келган зарарлар киради. Харажатларнинг таърифига реализация 
қилинмаган зарарлар ҳам киради, масалан, ташкилотнинг шу валютада олган кредитлари 
бўйича чет эл валютаси курсининг ошиши натижасида кўрилган зарарлар. Зарарлар фойда 
ёки зарарлар тўғрисидаги ҳисоботда тан олинганда одатда алоҳида акс эттирилади, чунки 
улар ҳақидаги маълумотлар иқтисодий қарорлар қабул қилишда фойдали бўлиши мумкин. 
3.17.2
 
Харажатларни тан олиш 
Харажатлар фойда ёки зарарлар тўғрисидаги ҳисоботда активларнинг камайиши ёки 
ишончли баҳоланиши мумкин бўлган мажбуриятларнинг ошиши билан боғлиқ келажакдаги 
иқтисодий нафнинг камайиши натижасида тан олинади. Моҳиятан, харажатларни тан олиш 
мажбуриятларнинг кўпайиши ёки активларнинг камайиши (масалан, ходим нафақаларининг 
кирими ёки асбоб-ускуналарнинг эскириши)ни тан олиш билан бир вақтда содир бўлади. 
3.17.3
 
Маълумотларни ёритиб бериш