Аудитнинг халқаро стандартлари асосида аудиторлик фикрини шакллантириш ва аудиторлик хулосасини тузиш

700-сон АХСнинг 
39-40-бандларида талаб қилинадиган молиявий 
ҳисобот аудити бўйича аудиторнинг жавобгарлиги изоҳи киритилиши лозим: 
аудиторлик хулосасининг мазмуни доирасида; 
аудиторлик хулосасига илова доирасида, бу ҳолда аудиторлик хулосасида 
илованинг жойлашган жойига ҳавола бўлиши керак; ёки 
аудиторлик хулосасида бундай изоҳнинг тегишли органнинг веб-сайтида 
жойлашган жойига аниқ ҳавола орқали, агар қонунлар, қоидалар ёки миллий 
аудит стандартлари аудиторга буни амалга оширишга аниқ рухсат берган 
бўлса. 
10. Топшириқ (аудит) бўйича раҳбарнинг номи 
Топшириқ (аудит) бўйча раҳбарнинг номи, агар камдан-кам ҳолларда 
бундай ёритиш шахсий хавфсизликка жиддий таҳдидга олиб келиши 
кутилмаса, рўйхатга олинган (листинг) ташкилотларнинг молиявий ҳисоботи 
бўйича аудиторлик хулосасига ёзилиш лозим. Камдан-кам ҳолларда аудитор 
аудиторлик хулосасига топшириқ бўйича раҳбарнинг номини киритишни 
режа қилмаса, аудитор шахсий хавфсизликка жиддий таҳдиднинг эҳтимоли ва 
жиддийлиги тўғрисида аудитор баҳосини хабардор қилиш учун ушбу режани 
бошқарувга масъул бўлган шахслар билан муҳокама қилиши керак.
11. Аудиторнинг имзоси 
Аудиторлик хулосаси имзоланган бўлиши лозим. 
12. Аудитор (ташкилоти) нинг манзили 
Аудиторлик хулосасида аудитор фаолият юритадиган юрисдикциядаги 
манзил кўрсатилиш лозим.
13. Аудиторлик хулосасининг санаси 
Аудиторлик хулосасининг санаси аудитор молиявий ҳисобот бўйича 
берилган аудиторнинг фикри учун асос бўлган етарлича тегишли аудиторлик 
далиллари, шу жумладан қуйидагилар хусусида далиллар олинган санадан 
олдин бўлмаслиги лозим: 
молиявий ҳисоботни ташкил этувчи барча ҳисоботлар, шу жумладан 
илова қилинадиган изоҳлар тайёрланган санадан; ва 
тегишли ваколатларга эга бўлган шахслар мазкур молиявий ҳисобот учун 
жавобгарликни ўз бўйнига олганини тасдиқлаган санадан. 
Юқоридагиларга ҳамда 700-сон ва 705-сон АХСга мувофиқ аудиторлик 
хулосасини таркиби ва тузилишини қуйидагича акс эттириш мумкин (2-расм)

---

8