Аудитнинг халқаро стандартлари асосида аудиторлик фикрини шакллантириш ва аудиторлик хулосасини тузиш

4. Аудиторнинг фикри учун асос 
Аудиторлик хулосаси тўғридан-тўғри “Аудиторлик фикри” бўлимидан 
кейинги “Аудиторнинг фикри учун асос” сарлавҳали бўлими қуйидагиларни 
ўз ичига олиши керак: 
аудит АХСга мувофиқ ўтказилганлигини билдиради; 
аудиторлик хулосасининг АХСга мувофиқ аудиторлик мажбуриятларини 
тавсифловчи қисмига ҳавола қилади; 
аудиторнинг аудитга тааллуқли тегишли ахлоқий талабларга мувофиқ 
ташкилотдан мустақил эканлиги ва ушбу талабларга мувофиқ аудиторнинг 
бошқа ахлоқий мажбуриятларини бажарганлиги ҳақидаги баёнотни ўз ичига 

---

5 
олади. Баёнотда тегишли ахлоқий талабларнинг келиб чиқиш юрисдикцияси 
аниқланиши ёки Бухгалтерлар учун Кенгашнинг Профессионал бухгалтерлар 
учун халқаро одоб-ахлоқ стандартларига (жумладан, Халқаро мустақиллик 
стандартлари) (БКХОАС кодекси) ҳавола қилиши керак;
аудитор аудиторлик фикрининг асоси бўлиши учун аудитор томонидан 
олинган аудиторлик далиллари етарли ва мақсадга мувофиқлигини билдириши 
лозим. 
5. Фаолиятнинг узлуксизлиги 
Тегишли ҳоллардагина аудитор 570-сон “Фаолиятнинг узлуксизлиги” 
(таҳрирланган) АХСга мувофиқ хулоса бериши лозим. 
6. Аудитнинг асосий масалалари
Рўйхатга олинган (листинг) ташкилотларнинг умумий мақсадли 
молиявий ҳисоботининг тўлиқ тўпламининг аудитдан ўтказиш учун аудитор 
701-сон “Мустақил аудитор хулосасида асосий аудит масалаларида ахборот 
алмашиш” АХСга мувофиқ аудиторлик хулосасида аудитнинг асосий 
масалаларини баён қилиши лозим. 
Агар аудитор қонун ёки меъёрий ҳужжатлар билан бошқача тартиб 
назарда тутилган бўлса ёки аудиторлик хулосасида асосий аудит 
масалаларини билдиришга қарор қилса, аудитор буни 701-сон АХСга мувофиқ 
амалга ошириши керак.