Audit o’tkazish jarayonida malumotlarni yig’ish va umumlashtirish bo’yicha xalqaro audit standartlari

Moliyaviy ma’lumot yuzasidan kelishilgan muolajalarni bajarish bo’yicha kelishuvlar

Kelishilgan muolajalarni bajarish bo’yicha kelishuv auditor tomonidan moliyaviy ma’lumotning alohida moddalari (masalan, kreditorlik qarzi, debitorlik qarzi, bog’liq tomonlardan xaridlar hamda subyekt segmentining sotishi va foydasi), moliyaviy hisobot (masalan, buxgalteriya balansi) yoki moliyaviy hisobotning to’liq to’plami yuzasidan muayyan muolajalarni bajarishdan iborat bo’lishi mumkin.

Kelishilgan muolajalar bo’yicha kelishuvning maqsadi auditor tomonidan auditor, subyekt va har qanday uchinchi toionlar bilan kelishilgan auditorlik muolajalarini bajarish va amaldagi natijalar bo’yicha hisobot taqdim etishdan iborat.

Auditor faqat kelishilgan muolajalar bo’yicha amaldagi xulosalar yuzasidan hisobot taqdim etishi munosabati bilan hech qanday ishonchlilik bildirilmaydi. Buning o’rninga foydalanuvchilarning o’zi auditorning hisoboti bo’yicha muolajalarga va amaldagi xulosalarga baho beradi va auditorning ishidan kelib chiqib o’zining xulosalarini chiqaradi. Ushbu hisobot faqat bajariladigan muolajalar kelishuvida ishtirok etadigan tomonlarga taqdim etiladi, chunki muolajalarni o’tkazish sabablari bilan tanish bo’lmagan tomonlar ularning natijalarini noto’g’ri talqin etishi mumkin.