Ats1-ma’ruza. Kirish. Fanning maqsadi, vazifasi va dolzarbligi. Kommutatsiyalash uskunalarining rivojlanishi Reja

2-ma’ruza


KANALLARNI KOMMUTATSIYaLASh (KK)GA EGA BO‘LGAN TARMOQLAR, AFZALLIKLARI VA KAMChILIKLARI, KK NING IShLASh TAMOYILI. RAQAMLI KOMMUTATSIYa TIZIMLARI


REJA:

1. 
   Kanallarni kommutatsiyalash (kk)ga ega bo‘lgan tarmoqlar, ularning afzalliklari va kamchiliklari;
   
2. 
   Kanallarni kommutatsiyalashning ishlash tamoyili;
   
3. 
   Raqamli kommutatsiya tizimlari
   

Kalit so‘zlar: kanallarni kommutatsiyalash, raqamli kommutatsiyalash tizimlari, fazoviy kommutatsiyalash bloklari, vaqtli kommutatsiyalash bloklari, elektron avtomatik telefon stansiyalari.


2.1. Kanallarni kommutatsiyalash (KK)ga ega bo‘lgan tarmoqlar, ularning afzalliklari va kamchiliklari


Xalqaro elektr aloqa tavsiyasida kommutatsiyalash terminiga quyidagicha ta’rif beriladi -“Kommutatsiyalash”- bu talab bo‘yicha axborotni uzatish uchun zarur bo‘lgan, vaqtinchalik xoxlagan kiruvchi va chiquvchi foydalanuvchilarni shaxsiy ulanishini amalga oshirishdir”.
Quyidagi 1 - rasmda kommutatorning blok sxemasi ko‘rsatilgan.



2.1- Kommutatorning blok sxemasi
Kommutatorlar uchta asosiy komponentdan tashkil topgan: kirish/chiqish interfeyslari, kommutatsiyalash maydoni, kommutatsiyani boshqarish qismi.

Kommutatsiyalash jarayonining vazifalaridan biri bo‘lgan – oqimlar va kerakli marshrutlarni aniqlash, maxsus jadvallarda marshrutlarni belgilash, oqimlarni multiplekslash, uzatish muxitini taqsimlash – texnikaviy masalalar, barcha tarmoq texnologiyalari asosi sifatida uning funksional xususiyatlarini belgilaydi.

Tarmoqda ikkita foydalanuvchi bir-biri bilan bog‘lanish jarayonida quyidagi asosiy kommutatsiyalash usullaridan foydalanish mumkin:

• kanallar kommutatsiyasi (circuit switching);

• paketlar kommutatsiyasi (packet switching);

• xabarlar kommutatsiyasi (message switching).