Atrof olam bilan tanishtirish Oylik mavzu: O’zbekiston – mening Vatanim! Guruh: O’rta Hafta mavzusi: Men va bolalar bog’chasi Davr: sentyabr oyining 1-haftasi Mavzu: Men va bolalar bog’chasi Maqsad

Davr:dekabr oyining 1-haftasi.
Mavzu: Yana keldi kumush qish
Maqsad:
Bolalalrni qish fasli bilan tanishtirish, nutqini rivojlantirish, og’zaki nutqini mustaxkamlash, qishda tabiatdagi o’zgarishlar xaqida tushuncha berish. Bolalalrda qish faslidan zavqlanish his tuyg’ularini chuqurlashtirish.Qish faslida qanday kiyinish haqida tushuncha berish .Qor qo’shig’ini musiqa kuyiga mos ravishda aytib raqs harakatlarini to’g’ri bajarishga, chaqqon va ziyraklikka o’rgatish, archa rasmini chizish, qor bobo yasash, qor parchalarini yasash va ozoda kiyinishga o’rgatish.
Kerakli jixozlar: qish fasli tasvirlangan ko’rgazmalar, qishdagi kiyimlar palto, sharf, qo’lqop, bosh va oyoq kiyimlar,slaydlar va videoroliklar.Qorbobo yasash uchun (plastelin) archa chizish uchun (rangli qalamlar) qor parchalari uchun( rangli qog’ozlar, kley qaychilar).
Kutilayotgan natija: bolalarni qishki xodisalar haqidagi bilimlarini mustahkamlash.
Fan va tabiat markazida faoliyatning borishi.

Tarbiyachi: Bolalar. hozir o’lkamizda qanday fasl?

Bolalar: Qish fasli
Tarbiyachi: Ha, to’g’ri hozir o’lkamizda qish fasli. Qish faslida tabiatda qanday o’zgarishlar bo’ladi?
Bolalar: Yomg’irlar, qorlar yog’adi.
Tarbiyachi: Qish faslida qanday ob-havo bo’ladi va bizlar qanday kiyinamiz?
Bolalar: Qish faslida kunlar juda sovuq bo’ladi, bizlar issiq kiyimlar kiyib yuramiz.
Tarbiyachi: Bolalar qish fasli nimasi bilan yaxshi?
Bolalar: Qor va o’yinlari bilan va bayramlari bilan.
Tarbiyachi: Qish faslida kiyiladigan kiyimlarni nomlarini bilasizlarmi?
Bolalar: Qish faslida palto, qo’lqop, sharf, etik kiyiladi.
Tarbiyachi: “Qish faslidagi o’yinlar” tasvirlangan suratini ko’rsatib bolalarga tushuntirib beradi. Bolalardan suratdagi bolalarni qanday o’yin o’ynayotganini so’zlab berishini so’raydi, bolalar suratga qarab javob berishadi.
Tarbiyachi: Bolalar qish haqida qanday she’rlar bilasiz?
Bolalar: Qorbobo va archa haqida she’rlar bilamiz.