Атаманинг ўзбек тилидаги номланиши Атаманинг инглиз тилидаги номланиши

Аксиз солиғи ҳисоби
Аксиз солиғи соф даромад нархида ва қўшилган қиймат солиғига тортиладиган базада ҳисобга олинадиган, билвосита солиқ сифатида бюджетга тўланадиган солиқдир.
Аксиз солиғи Солиқ кодексининг 229 - 241 моддалари бўйича тартибга солинади ва аксиз солиғи тўловчилари бўлиб;

• 
  Ўзбекистон Республикаси ҳудудида аксиз солиғи солинадиган товарларни (аксиз тўланадиган товарларни) ишлаб чиқарувчилар;
  
• 
  Ўзбекистон Республикасининг божхона ҳудудига аксиз тўланадиган товарларни импорт қилувчилар;
  
• 
  оддий ширкат аксиз тўланадиган товар ишлаб чиқарган тақдирда, оддий ширкат шартномасининг оддий ширкат ишларини юритиш зиммасига юклатилган шериги (иштирокчиси).
  
• 
  Аксиз тўланадиган товарларнинг айрим турлари бўйича аксиз тўланадиган товарлар ишлаб чиқарувчи бўлмаган шахс Ўзбекистон Республикаси Вазирлар Маҳкамасининг қарорига биноан аксиз солиғини тўловчи этиб белгиланиши мумкин.
  

Аксиз солиғининг ставкалари мутлақ суммада (қатъий) белгиланган аксиз тўланадиган товарлар бўйича солиқ солинадиган база аксиз тўланадиган товарларнинг натурада ифодаланган ҳажми асосида аниқланади.
Сотилиш қийматига:
Д-т 5110-"Ҳисоб-китоб счёти" счёти;
К-т 9010-"Тайёр маҳсулотни сотишдан олинган даромадлар" счёти.
Аксиз солиғи қийматига:
Д-т 9010-"Тайёр маҳсулотни сотишдан олинган даромадлар" счёти.
К-т 6410-"Бюджетга тўловлар бўйича қарздорлик" счёти.
Аксиз солиғи бюджетга ўтказилганда:
Д-т 6410-"Бюджетга тўловлар бўйича қарздорлик" счёти.
Д-т 5110-"Ҳисоб-китоб счёти" счёти.
Товарга илова қилинадиган ҳужжатларда кўрсатилган маҳсулот юклаб жўнатилган кун сотиш куни деб ҳисобланади.
Аксиз маркалари учун ҳақ тўлаганда:
Дебет 5610- «Пул эквивалентлари (турлари бўйича)»
Кредит 5110-«Ҳисоб-китоб счёти».
Маркаланган маҳсулот юклаб жўнатилишига қараб сарфланган аксиз маркалари суммасига бухгалтерия ёзуви қайд этилади:
Дебет 9410 - «Сотиш харажатлари»
Кредит 5610 - «Пул эквивалентлари (турлари бўйича)».