Атаманинг ўзбек тилидаги номланиши Атаманинг инглиз тилидаги номланиши

Инвентарь ва хўжалик жиҳозлари счёти (1080)нинг боғланиши

№	Хўжалик муомалаларининг мазмуни	Счётларнинг боғланиши
		Дебет	Кредит
1	Мол етказиб берувчилардан инвентарь ва хўжалик жиҳозлари олинди	1080	6010
2	Таъсисчилардан уларнинг улуши ҳисобидан инвентарь ва хўжалик жиҳозларининг келиб тушиши	1080	4610
3	Ажратилган бўлинмалар, шўъба ва қарам хўжалик жамиятларидан инвентарь ва хўжалик жиҳозларининг келиб тушиши	1080	6110, 6120
4	Бошқа шахслардан инвентарь ва хўжалик жиҳозларининг текинга олиниши	1080	8530
5	Инвентарь ва хўжалик жиҳозлари кирим қилингандан кейин аниқланган яроқсизлик (дефект) бўйича мол етказиб берувчига билдирилган даъво	4860 1080	1080 6010
6	Инвентарь ва хўжалик жиҳозларининг ҳақиқий таннархи бўйича кирим қилиниши (1500 счёт қўлланилганда)	1080	1510
7	Ўзида ишлаб чиқарилган инвентарь ва хўжалик жиҳозларининг кирим қилиниши	1080	2310
8	Табиий офат натижасида йўқотилган инвентарь ва хўжалик жиҳозларининг ҳисобдан чиқарилиши	9720	1080
9	Инвентаризация натижасида инвентарь ва хўжалик жиҳозларининг камомади аниқланди	5910	1080

№ 6-Мавзу: Меҳнат ва унга ҳақ тўлаш ҳисоби.

6.1. Маҳсулот сифатини, меҳнат унумдорлигини оширишда меҳнат ва иш ҳақи ҳисобининг вазифалари.
6.2. Корхонанинг шахсий таркиби, унинг туркумланиши, меҳнатга ҳақ тўлашни тизимлари, шакллари ва турлари.
6.3. Меҳнат ва иш ҳақини дастлабки хужжатларда расмийлаштириш ҳамда умумлаштириш
6.4. Иш ҳақидан ушлаб қолинадиган ва чегириладиган суммалар ҳисоби.
6.5. Меҳнат таътили ва вақтинчалик меҳнатга лаёқатсизлик нафақасини ҳисоблаш ва тўлаш.


Таянч иборалари: меҳнат ва иш ҳақи, шахсий таркиби, тизимлари, шакллари ва турлари, меҳнат таътили ва вақтинчалик меҳнатга лаёқатсизлик нафақаси, ажратма, чегтрмалар, даромад солиғи, асосий ва қўшимча иш ҳақи, мукофат.

6.1. Маҳсулот сифатини, меҳнат унумдорлигини оширишда меҳнат ва иш ҳақи ҳисобининг вазифалари.

Корхона ва ташкилотларда тузилган иш ҳақини ҳисоблаш ведомостида ишчи ва хизматчиларга иш ҳақи ҳамда ундан ушлаб қолинадиган суммалар акс эттирилади. Иш ҳақини ҳисоблаш ведомости ҳар бир цех ходимларининг тоифалари бўйича алоҳида тузилади.

Иш ҳақини ҳисоблаш ведомости иш ҳақи бўйича ходимлар билан ҳисоб-китобни расмийлаштириш учун асосий ҳужжатдир. Бу ҳужжатда ҳар бир табель рақами, ходимларнинг тоифаси ҳамда тўлов ва ушлаб қолиш турлари бўйича тузилади. Иш ҳақини ҳисоблаш ведомостида қуйидаги кўрсаткичлар бўлади:

• 
  тўлов турлари бўйича ҳисобланди - 6710-«Ходимлар билан иш ҳақи бўйича ҳисоблашишлар» счётининг кредит обороти;
  
• 
  иш ҳақидан ажратма ва тўловлар ушлаб қолинди ва ҳисобланди - 6710-«Ходимлар билан иш ҳақи бўйича ҳисоблашишлар» счётининг дебет обороти;
  
• 
  қўлга бериш ёки ойнинг охирида корхонада қолди - 6710-«Ходимлар билан иш ҳақи бўйича ҳисоблашишлар» счётининг дебет обороти.
  

Иш ҳақини ҳисоблаш ведомостининг охирги кўрсаткичи тўлов ведомостини тўлдириш учун ҳамда ходимга иш ҳақи бериш учун асос бўлиб хизмат қилади.
Ишчи ва хизматчиларга иш ҳақи бўйича ҳисоблашишларни олиб бориш бухгалтерия ҳисобининг счётлар режасида қуйидаги счётлардан фойдаланиш кўзда тутилган:
6710-«Ходимлар билан иш ҳақи бўйича ҳисоблашишлар» счёти;
6720-«Депонирлаштирилган иш ҳақи» счёти.
Ушбу счётлар пассив бўлиб, қолдиқ счётларнинг кредит томонида қолади.
«Харажатлар таркиби тўғрисидаги Низом»га мувофиқ меҳнат ҳақи харажатлари ишлаб чиқариш ҳамда давр харажатларининг муҳим харажат элементларидан бири ҳисобланади.
Шу боисдан ишчи ва хизматчиларга иш ҳақи ҳисобланганда, уларни харажатлар таркибига киритиш лозим.