Ат саноати корхоналари фаолиятини самарали ривожлантириш

7-расм. Тошкент вилояти озиқ-овқат саноати корхоналари инновацион кластерини ташкил этиш механизми ¹⁸
Вилоятда озиқ-овқат саноатининг инновацион кластерини шакллантириш бўйича олиб борилган тадқиқотлар қуйидаги хулосаларни шакллантириш имконини берди:
- кластер ишлаб чиқилган билим ва технологиялар капиталлашувини таъминлаши туфайли синергия олиш имконияти пайдо бўлади, бунда оддий ҳамкорлик ва корхоналарнинг ўзаро бошқа шакллари хусусиятлари ҳам эътиборга олинади;
- барча кластер иштирокчилари ўртасидаги барқарор алоқалар асосида кластерлар минтақавий ривожланишнинг самарали механизмини шакллантирадиган энг мослашувчан ва самарали тузилмалардир;
- минтақавий иқтисодиётнинг рақобатбардошлигини оширишни таъминлайдиган ҳудудий иқтисодий интеграцияни ривожлантиришнинг энг самарали шакли янги билимлар, илмий кашфиётлар ва ихтироларни тезкор тарқатиш учун шароит яратадиган ва уларни инновацияларга айлантириш имконини берадиган инновацион кластердир;
- Тошкент вилояти иқтисодиёти, айниқса, озиқ-овқат саноати каби хўжалик юритишнинг устувор турида янги ва ривожланаётган кластер тузилмаларини яратиш учун салмоқли салоҳиятга эга ҳисобланади.
Муаллиф томонидан мамлакатимиз озиқ-овқат саноатини ривожлантириш учун кўп омилли эконометрик модел тузилди. Ўзбекистон Республикаси бўйича ялпи маҳсулот қийматини прогноз қилиш учун иш ҳақи фонди ҳамда асосий воситалар ва номоддий активлар амортизацияси прогноз натижаларидан фойдаланилди.
5-жадвал
Ўзбекистон Республикаси озиқ-овқат саноати корхоналарида асосий иқтисодий кўрсаткичларнинг 2014-2020 йиллардаги динамикаси ва 2021-2027 йиллар прогноз қийматлари¹⁹

Йиллар

Вақт t

Иш ҳақи фонди, млн. сўм