Ассистент: Якубова камола Мавзу мақсади

ЯНГИ ТУҒИЛГАН ЧАҚАЛОҚДА ҚОН АЙЛАНИШИ

Бола туғилгач ўпка орқали нафас олишнинг бошланиши биланоқ ўпка артерияси орқали чиққан қон ўпкага бориб, кислородга бой қон юракнинг чап бўлмачаси орқали чап қоринчага ўтиб, организмга тарқалади. Йўлдош орқали қон айланишда иштирок этган киндик томирлари бутунлай беркилиб, кейинчалик киндик венаси Аранциев йулчаси билан биргаликда жигарни юмалок боғламига, киндик артерияси эса киндик боғламига айланиб кетади. Юрак булмачаларида кон босимини узгариб булмачалар аро фаркни камайиб бориши туфайли овал тешиги оркали коннинг утиши тухтайди. Овал тешигини беркилиши бир неча ой мобайнида давом этади. Кон айланишга таъсир этмайдиган, ингичка нинанинг учидек тешик 5 ёшгача болаларда 50%, катталарда 10-25% гача сакланган булади. Баталлов йулида биринчи нафас олишдаёк кислород парциал босимининг ортиши туфайли спазм - кисилиш кузатилади. Аммо Баталлов йулини анатомик беркилиши бироз кечрок, боланинг 2 ойлигида юз беради.

Таьриф

Юрак нуқсонлари эмбрионал даврда қон айланиш тизими ривожланишининг бузилиши ҳисобига келиб чиқади. Уларни шаклланишида ҳомила ичи ҳаётининг 3-8 ҳафталик даврида, яъни юрак тўсиқлари ва камераси шаклланаётганида эмбрионга патологик таъсир бўлиши катта аҳамиятга эга.

Юрак нуқсонлари ривожланишига мойиллик туғдирувчи омиллар қуйидагилардир:

• а) эмбрионал ривожланиш даврда радиация таъсири,
• б)кимёвий моддалар (кислота, спирт, тузлар, циклик бирикмалар, оғир металлар ва бошқалар);
• в) ҳаво, сув ва ерни мутаген моддалар билан ифлосланиши;
• г) дори воситалари (акрихин, аминазин, фолий кислота антогонисти, винкристин, брунеомицин ва бошқалар);
• д) наслий мойиллик.

Хавф омиллари:

• а) ота-она ёши (она 35 ёшдан юқори, ота 45 ёшдан юқори);
• б) касбий зарарланувчи омиллар ва (ёки) ота-она алкоголизми, наркомания, айниқса ҳомиладорликнинг I триместри ҳавфли – кучли токсикоз, антибиотик, сульфаниламид ва (ёки) гармонал дори воситаларини қабул қилиш;
• в) онанинг вирусли касалликлари (қизилча, герпес, грипп, ўткир респиратор инфекция ва бошқалар);
• г) наслий модда алмашинуви жараенларининг бузилиши;
• д) гормонал етишмовчиликлар.