Ассалому алайкум ҳурматли Абдулла Нигматович ! Ҳурматли йиғилиш қатнашчилари !

Тўртинчи, “Инсонга эътибор ва сифатли таълим йили”да ёшлар чуқур таълим-тарбиясига, уларнинг замонавий фан ва технологиялардан чуқур билим олишларига янада эътиборни кучайтирамиз.
Биз энг аввало таълимни мактабгача таълим тизимига алоҳида эътибор қаратиб, вилоятдаги 3-7 ёшли болалар қамровини
2022 йилдаги 69 фоиздан 75,0 фоизга етказиш чораларини кўрамиз.
Жумладан, Инвестиция дастури доирасида 9 та янги давлат (2040 ўринли) ва 5 та ДМТТларни (қўшиладиган қувват 660 ўрин) реконструкция қилинади. 5 та давлат-хусусий шериклик асосидаги 700 ўринли мактабгача таълим ташкилотлари иш бошлайди.
Шунингдек, мактабгача таълим ташкилоти мавжуд бўлмаган 230 та маҳаллаларда 14790 ўринли 230 та оилавий мактабгача таълим ташкилотлари ташкил этилади.
Халқ таълими тизимида Давлатимиз раҳбарининг ташаббуслари билан жорий йилнинг 1 февралидан 3 та туман ва шаҳарларида (Нурафшон шаҳар, Қуйи Чирчиқ, Янгийўл туманлари) 3 тадан мактабларда тажриба синов тариқасида ўқувчиларга 2 та хорижий тил ва 1 та касбни ўргатиш ишлари амалга оширилмоқда.
Бундан ташқари, вилоятдаги 451 та (51 фоиз) мактабларда
2023 йил 1 сентябрдан бошлаб 1 тадан касбга ва 2 тадан хорижий тилларни ўқитиш тизими жорий этилади.
Муҳтарам Президентимиз томонидан 2023 йилга “Инсонга эътибор ва сифатли таълим йили” номи берилиб, 2023/2024 ўқув йилидан бошлаб Тошкент вилоятидаги 200 мингдан зиёд бошланғич синф ўқувчилари учун давлат бюджетидан бепул соғлом овқатлантириш тизими йўлга қўйилмоқда.
Касбий таълим тизимида Тошкент вилоятида дуал таълимни ташкил этиш бўйича
Бундан ташқари, келгусида дуал таълимни ташкил этиш бўйича вилоятдаги 61 та ишлаб чиқариш корхоналари, кластерлар, билан шартномалар имзоланди.
2 та техникумда халқаро таълим дастурлари асосида ўқитиш жорий этилиб, Янгийўл агротехнолгия техникумида Германиянинг халқаро ГИЗ ташкилоти билан ҳамкорликда нон, нон маҳсулотлари, қандолат ва макорон ишлаб чиқариш, Олмалиқ архитектура-қурлиш техникумида Германиянинг “PROMHOUSE” лойиҳаси уй-жой хўжалигини бошқариш йўналишида кадрларни тайёрлаш бўйича ҳамкорлик меморандумлари имзоланди.
Олий таълими тизимида бугунги кунда вилоятда олий таълим муассасалари 10 тага етказилиб, 5 та давлат, 2 таси халқаро (Москва Миллий технологик тадқиқотлар университети “МИСиС” нинг Олмалиқ шаҳридаги филиали ва Астрахан давлат техника университети Тошкент вилояти филиали) ҳамда 3 та нодавлат (Ангрен университети, Чирчиқ иқтисодиёт ва педагогика институти, Қибрай туманида ISFT институти) олий таълим муассасалари фаолияти йўлга қўйилди.
Талабаларни турар жой билан таъминлаш мақсадида 2023 йилда 3 та давлат хусусий шерикчилик асосида қуввати 1100 ўринли (Тошкент давлат аграр университетида 400 ўринли, Тошкент давлат техника университети Олмалиқ филиалида 300 ўринли, Чирчиқ давлат педагогика университетида 400 ўринли) ҳамда Тошкент ахборот технологиялари университети Нурафшон филиалининг 800 ўринли талабалар турар жойлари қуриб фойдаланишга топширилади.
Вилоятда тиббиёт соҳасини жорий йилда драйвер сифатида танлаб олдик.
Хусусан, 9 та тиббиёт муассасаларида 55,2 млрд.сўмлик қурилиш-таъмирлаш ишлари амалга оширилади. Шундан, 5 та янги муассасалар ташкил этилади.
Хусусий тиббиёт муассасаларини кўпайтиришга эътибюор қаратиб, жорий йилнинг ўзида 30 та янги нодавлат тиббиёт муассасалари очиб, уларнинг сони 518 тага етказамиз.
Бундан ташқари, тиббиёт муассасалари учун 16,5 млрд.сўм ҳамда 2,7 млн.долларлик 59 турдаги замонавий асбоб-ускуналар етказиб берилади.
Республика ихтисослаштирилган травматология ва ортопедия илмий амалий тиббиёт маркази вилоят филиалига 10 млн.долларлик Халқаро молия институтлари ижтимоий грандлари ҳисобидан замонавий тиббий асбоб-ускуналар билан жиҳозланади.
Бугунги кунда, вилоятнинг тиббиёт соҳасида Туркия тажрибасини Тошкент вилоятида амалиётга татбиқ этиш бўйича ишларни бошлаб юбордик.
Хусусан, соғлиқни сақлаш бошқармаси бошлиғи раҳбарлигида 10 нафар тиббиёт ходимлари жорий йилнинг 19-25 февраль кунлари Tуркиянинг Истамбул шаҳридаги “LIV Hospital” ҳусусий шифохонасида бошқарув менежменти, кардиология, онкология, акушерлик ва гинекологи, урология, неонатология ва нейрохирургия соҳалари бўйича тажриба алмашиб келишди.